Read Buku Lopatulik Masalmo 27 Bible Online

Masalmo 27 - Buku Lopatulik bible

Masalmo 27

¹Yehova ndiye kuunika kwanga ndi cipulumutso canga; ndidzaopa yani? Yehova ndiye mphamvu ya moyo wanga; ndidzacita mantha ndi yani?

²Pondifika ine ocita zoipa kudzadya mnofu wanga, Inde akundisautsa ndi adani anga, anakhumudwa iwo nagwa.

³Lingakhale gulu la ankhondo limanga misasa kuti andithyole, Mtima wanga sungacite mantha: Ingakhale nkhondo ikandiukira, Nde pomweponso ndidzakhulupira,

⁴Cinthu cimodzi ndinacipempha kwa Yehova, ndidzacilondola ici: Kuti ndikhalitse m'nyumba ya Yehova masiku onse a moyo wanga, Kupenya kukongola kwace kwa Yehova ndi kufunsitsa m'Kacisi wace.

⁵Cifukwa kuti pa dzuwa la tsoka Iye adzandibisa mumsasa mwace: Adzandibisa m'tsenjezi mwa cihema cace; Pathanthwe adzandikweza.

⁶Ndipo tsopano mutu wanga udzakwezeka pamwamba pa adani anga akundizinga; Ndipo ndidzapereka m'cihema mwace nsembe za kupfuula mokondwera; Ndidzayimba, inde, ndidzayimbira Yehova zomlemekeza.

⁷Imvani, Yehova, liu langa popfuula ine: Mundicitirenso cifundo ndipo mundibvomereze.

⁸Pamene munati, Punani nkhope yanga; mtima wanga unati kwa Inu: Nkhope yanu, Yehova, ndidzaifuna.

⁹Musandibisire ine nkhope yanu; Musacotse kapolo wanu ndi kukwiya: Inu munakhala thandizo langa; Musanditaye, ndipo musandisiye Mulungu wa cipulumutso canga,

¹⁰Pakuti wandisiya atate wanga ndi amai wanga, Koma Yehova anditola.

¹¹Mundiphunzitse njira yanu, Yehova, Munditsogolere pa njira yacidikha, Cifukwa ca adani anga,

¹²Musandipereke ku cifuniro ca akundisautsa; Cifukwa zinandiukira mboni zonama ndi iwo akupumira zaciwawa.

¹³Ndikadapanda kukhulupirira kuti ndikaone ubwino wa Yehova M'dziko la amoyo, ndikadatanil

¹⁴Yembekeza Yehova: Limbika, ndipo Iye adzalimbitsa mtima wako; Inde, yembekeza Yehova.