Read Buku Lopatulik Masalmo 28 Bible Online

Masalmo 28 - Buku Lopatulik bible

Masalmo 28

¹Kwa Inu, Yehova, ndidzapfuulira; Thanthwe langa, musandikhalire ngati wosamva: Pakuti ngati munditontholera ine, Ndidzafanana nao iwo akutsikira kumanda.

²Mverani mau a kupemba kwanga, pamene ndilirira Inu, Pamene ndikweza manja anga kuloza ponenera panu poyera.

³Musandikoke kundicotsa pamodzi ndi oipa, Ndi ocita zopanda pace; Amene alankhula zamtendere ndi anansi ao, Koma mumtima mwao muli coipa.

⁴Muwapatse monga mwa nchito zao, ndi monga mwa coipa cocita iwo: Muwapatse monga mwa macitidwe a manja ao; Muwabwezere zoyenera iwo.

⁵Pakuti sasamala nchito za Yehova, Kapena macitidwe a manja ace, Adzawapasula, osawamanganso.

⁶Wodalitsika Yehova, Pakuti adamva mau a kupemba kwanga.

⁷Yehova ndiye mphamvu yanga, ndi cikopa canga; Mtima wanga wakhulupirira Iye, ndipo anandithandiza: Cifukwa cace mtima wanga ukondwera kwakukuru; Ndipo ndidzamyamika nayo Nyimbo yanga.

⁸Yehova ndiye mphamvu yao, Inde mphamvu ya cipulumutso ca wodzozedwa wace.

⁹Pulumutsani anthu anu, ndi kudalitsa colandira canu: Muwawetenso, ndi kuwanyamula nthawi zonse.