Read Buku Lopatulik Masalmo 30 Bible Online

Masalmo 30 - Buku Lopatulik bible

Masalmo 30

¹Ndidzakukwezani, Yehova; pakuti mwandinyamutsa, Ndipo simunandikondwetsera adani anga,

²Yehova, Mulungu wanga, Ndinapfuulira kwa Inu, ndipo munandiciritsa.

³Yehova munabweza moyo wanga kumanda: Munandisunga ndi moyo, kuti ndingatsikire kudzenje.

⁴Yimbirani Yehova, inu okondedwa ace, Ndipo yamikani pokumbukila ciyero cace.

⁵Pakuti mkwiyo wace ukhala kanthawi kokha; Koma kuyanja kwace moyo wonse: Kulira kucezera, Koma mamawa kuli kupfuula kukondwera.

⁶Ndipo ine, ndinanena m'phindu langa, Sindidzagwedezeka nthawi zonse.

⁷Inu, Yehova, munakhazikitsa phiri langa ndi kuyanja kwanu: Munabisa nkhope yanu; ndinaopa.

⁸Ndinapfuulira kwa Inu, Yehova; Kwa Yehova ndinapemba:

⁹M'mwazi mwanga muli phindu lanji, potsikira ine kudzenje? Ngati pfumbi lidzayamika Inu? ngati lidzalalikira coonadi canu?

¹⁰Mverani, Yehova, ndipo ndicitireni cifundo: Yehova, mundithandize ndi Inu.

¹¹Munasanduliza kulira kwanga kukhale kusekera; Munandibvula ciguduli canga, ndipo munandibveka cikondwero:

¹²Kuti ulemu wanga uyimbire Inu, wosakhala cete. Yehova Mulungu wanga, ndidzakuyamikani nthawi zonse.