Read Buku Lopatulik Masalmo 32 Bible Online

Masalmo 32 - Buku Lopatulik bible

Masalmo 32

¹Wodala munthuyo wokhululukidwa chimo lace; Wokwiriridwa coipa cace.

²Wodala munthuyu Yehova samwerengera mphulupulu zace; Ndimo mumzimu mwace mulibe cinyengo.

³Pamene ndinakhala cete mafupa anga anakalamba Ndi kubuula kwanga tsiku lonse.

⁴Cifukwa usana ndi usiku dzanja lanu linandilemera ine; Uwisi wanga unasandulika kuuma kwa malimwe.

⁵Ndinabvomera coipa canga kwa Inu; Ndipo mphulupulu yanga sindinaibisa. Ndinati, Ndidzaululira Yehova macimo anga; Ndipo munakhululukira coipa ca kulakwa kwanga.

⁶Cifukwa cace oyera mtima onse apemphere kwa Inu, Pa nthawi ya kupeza Inu: Indetu pakusefuka madzi akuru Sadzamfikira iye.

⁷Inu ndinu mobisalira mwanga; M'nsautso mudzandisunga; Mudzandizinga ndi Nyimbo za cipulumutso.

⁸Ine ndidzakulangiza ndi kuphunzitsa iwe za njira ukayendayo; Ndidzakupangira ndi diso langa lakuyang'ana iwe.

⁹Musakhale monga kavalo, kapena ngati buru, wopanda nzeru: Zomangira zao ndizo cam'kamwa ndi capamutu zakuwakokera, Pakuti ukapanda kutero sadzakuyandikiza.

¹⁰Zisoni zambiri zigwera woipa: Koma cifundo cidzamzinga iye wakukhulupirira Yehova.

¹¹Sekerani mwa Yehova, ndimo kondwerani inu olungama mtima; Ndipo pfuulani mokondwera nonsenu oongoka mtima.