Read Buku Lopatulik Masalmo 34 Bible Online

Masalmo 34 - Buku Lopatulik bible

Masalmo 34

¹Ndidzalemekeza Yehova nyengo zonse; Kumlemekeza kwace kudzakhala m'kamwa mwanga kosalekeza.

²Moyo wanga udzatamanda Yehova; Ofatsa adzakumva nadzakondwera.

³Bukitsani pamodzi ndine ukuru wa Yehova, Ndipo tikweze dzina lace pamodzi.

⁴Ndinafuna Yehova ndipo anandibvomera, Nandlianditsa m'mantha anga Onse.

⁵Iwo anayang'ana Iye nasanguruka; Ndipo pankhope pao sipadzacita manyazi,

⁶Munthu uyu wozunzika anapfuula, ndipo Yehova anamumva, Nampulumutsa m'masautso ace onse.

⁷Mngelo wa Yehova azinga kuwacinjiriza iwo akuopa Iye, Nawalanditsa iwo.

⁸Talawani, ndipo onani kuti Yehova ndiye wabwino; Wodala munthuyo wakukhulupirira Iye.

⁹Opani Yehova, inu oyera mtima ace; Cifukwa iwo akumuopa Iye sasowa.

¹⁰Misona ya mkango isowa nimva njala: Koma iwo akufuna Yehova sadzasowa kanthu kabwino.

¹¹Idzani ananu ndimvereni ine: Ndidzakulangizani zakumuopa Yehova.

¹²Munthu wokhumba moyo ndani, Wokonda masiku, kuti aone zabwino?

¹³Uletse lilime lako lisachule zoipa, Ndipo milomo yako isalankhule cinyengo.

¹⁴Pfutuka pazoipa, nucite zabwino, Funa mtendere ndi kuulondola.

¹⁵Maso a Yehova ali pa olungama mtima, Ndipo makutu ace achereza kulira kwao.

¹⁶Nkhopeya Yehovaitsutsananao akucita zoipa, Kudula cikumbukilo cao pa dziko lapansi.

¹⁷Iwowo anaitana, ndipo Yehova anawamva, Nawalanditsa ku masautso ao onse.

¹⁸Yehova ali pafupi ndi iwo a mtimawosweka, Apulumutsa iwo a mzimu wolapadi,

¹⁹Masautso a wolungama mtima acuruka: Koma Yehova amlanditsa mwa onsewa.

²⁰Iye asunga mafupa ace onse: Silinatyoka limodzi lonse.

²¹Mphulupulu idzamupha woipa: Ndipo adzawatsutsa kumlandu iwo akudana naye wolungama.

²²Yehova aombola moyo wa anyamata ace, Ndipo sadzawatsutsa kumlandu onse akukhulupirira Iye.