Read Buku Lopatulik Masalmo 35 Bible Online

Masalmo 35 - Buku Lopatulik bible

Masalmo 35

¹Tsutsanani nao iwo akutsutsana nane, Yehova: Limbanani nao iwo akulimbana nane.

²Gwirani cikopa cocinjiriza, Ukani kundithandiza.

³Sololani nthungo, ndipo muwatsekerezere kunjira akundilondola: Nenani ndi moyo wanga, Cipulumutso cako ndine.

⁴Athe nzeru nacite manyazi iwo akufuna moyo wanga: Abwezedwe m'mbuyo nasokonezeke iwo akundipangira ciwembu.

⁵Akhale monga mungu kumphepo, Ndipo mngelo wa Yehova awapitikitse.

⁶Njira yao ikhale ya mdima ndi yoterera, Ndipo mngelo wa Yehova awalondole.

⁷Pakuti anandichera ukonde wao m'mbunamo kopanda cifukwa, Anakumbira moyo wanga dzenje kopanda cifukwa.

⁸Cimgwere modzidzimutsa cionongeko; Ndipo ukonde wace umene anaucha umkole yekha mwini: Agwemo, naonongeke m'mwemo.

⁹Ndipo moyo wanga udzakondwera mwa Yehova: Udzasekera mwa cipulumutso cace.

¹⁰Mafupa anga onse adzanena, Yehova, afanana ndi Inu ndani, Wakulanditsa wozunzika kwa iye amene amposa mphamvu, Ndi wozunzika ndi waumphawi kwa iye amfunkhira?

¹¹Mboni za ciwawa ziuka, Zindifunsa zosadziwa ine.

¹²Andibwezera coipa m'malo mwa cokoma, Inde, asaukitsa moyo wanga.

¹³Koma ine, pakudwala iwowa, cobvala canga ndi ciguduli: Ndinazunza moyo wanga ndi kusala; Ndipo pemphero langa linabwera ku cifuwa canga.

¹⁴Ndakhala ine monga ngad iye anali bwenzi langa, kapena mbale wanga: Polira ndinaweramira pansi, monga munthu wakulira maliro amai wace.

¹⁵Ndipo pakutsimphina ine anakondwera, nasonkhana pamodzi: Akundipanda anandisonkhanira; ndipo sindinacidziwa: Ananding'amba osaleka:

¹⁶Pakati pa onyodola pamadyerero, Anandikukutira mano.

¹⁷Ambuye, mudzapenyerabe nthawi yanji? Bwezani moyo wanga kwa zakundiononga zao, Wanga wa wokha kwa misona ya mkango.

¹⁸Ndidzakuyamikanimumsonkhano waukuru: M'cikhamu ca anthu ndidzakulemekezani.

¹⁹Adani anga asandikondwerere ine monyenga; Okwiya nane kopanda cifukwa asanditsinzinire.

²⁰Pakuti salankhula zamtendere: Koma apangira ciwembu odekha m'dziko.

²¹Ndipo andiyasamira m'kamwa mwao; Nati, Hede, Hede, diso lathu lidacipenya.

²²Yehova, mudacipenya; musakhale cete: Ambuye, musakhale kutali ndi ine.

²³Galamukani, ndipo khalani maso kundiweruzira mlandu wanga, Mulungu wanga ndi Ambuye wanga,

²⁴Mundiweruze monga mwa cilungamo canu, Yehova Mulungu wanga; Ndipo asandisekerere ine.

²⁵Asanene mumtima mwao, Hede, momwemo! Asanene, Tammeza iye.

²⁶Acite manyazi, nadodome iwo akukondwera cifukwa ca coipa cidandigwera: Abvekeke ndi manyazi ndi kupunzika iwo akudzikuza pa ine.

²⁷Apfuule mokondwera nasangalale iwo akukondwera naco cilungamo canga: Ndipo anene kosalekeza, Abuke Yehova, Amene akondwera ndi mtendere wa mtumiki wace.

²⁸Ndipo lilime langa lilalikire cilungamo canu, Ndi lemekezo lanu tsiku lonse.