Read Buku Lopatulik Masalmo 36 Bible Online

Masalmo 36 - Buku Lopatulik bible

Masalmo 36

¹Colakwa ca woipayo cimati m'kati mwa mtima wanga, Palibe kuopa Mulungu pamaso pace.

²Pakud adzidyoletsa yekha m'kuona kwace, Kuti anthu sadzacipeza coipa cace ndi kukwiya naco.

³Mau a pakamwa pace ndiwo opanda pace ndi onyenga: Waleka kuzindikira ndi kucita bwino.

⁴Alingirira zopanda pace pakama pace; Adziika panjira posad pabwino; Coipa saipidwa naco.

⁵Yehova, m'mwambamuli cifundo canu; Coonadi canu cifikira kuthambo.

⁶Cilungamo canu cikunga mapiri a Mulungu; Maweruzo anu akunga cozama cacikuru: Yehova, musunga munthu ndi nyama.

⁷Ha! cifundo canu, Mulungu, ncokondedwadi! Ndipo ana a anthu athawira ku mthunzi wa mapiko anu.

⁸Adzakhuta kwambiri ndi zonona za m'nyumba mwanu: Ndipo mudzawamwetsa mu mtsinje wa zokondweretsa zanu.

⁹Pakuti citsime ca moyo ciri ndi Inu: M'kuunika kwanu tidzaona kuunika.

¹⁰Tanimphitsani cifundo canu pa iwo akudziwa Inu; Ndi cilungamo canu pa oongoka mtima.

¹¹Phazi la akudzikuza lisandifikire ine, Ndi dzanja la oipa lisandicotse.

¹²Pomwepo padagwera ocita zopanda pace: Anawalikha, ndipo sadzatha kuukanso.