Read Buku Lopatulik Masalmo 37 Bible Online

Masalmo 37 - Buku Lopatulik bible

Masalmo 37

¹Usabvutike mtima cifukwa ca ocita zoipa, Usacite nsanje cifukwa ca ocita cosalungama.

²Pakuti adzawamweta msanga monga udzu, Ndipo adzafota monga msipu wauwisi.

³Khulupirira Yehova, ndipo cita cokoma; Khala m'dziko, ndipo tsata coonadi.

⁴Udzikondweretsenso mwa Yehova; Ndipo iye adzakupatsa zokhumba mtima wako.

⁵Pereka njira yako kwa Yehova; Khulupiriranso Iye, adzacicita.

⁶Ndipo adzaonetsa cilungamo cako monga kuunika, Ndi kuweruza kwako monga usana.

⁷Khala cete mwa Yehova, numlindirire Iye: Usabvutike mtima cifukwa ca iye wolemerera m'njira yace, Cifukwa ca munthu wakucita ciwembu.

⁸Leka kupsa mtima, nutaye mkwiyo: Usabvutike mtima ungacite coipa,

⁹Pakuti ocita zoipa adzadulidwa: Koma iwo akuyembekeza Yehova, iwowa adzalandira dziko lapansi.

¹⁰Katsala kanthawi ndipo woipa adzatha psiti: Inde, udzayang'anira mbuto yace, nudzapeza palibe.

¹¹Koma ofatsa adzalandira dziko lapansi; Nadzakondwera nao mtendere wocuruka.

¹²Woipa apangira ciwembu wolungama, Namkukutira mano.

¹³Ambuye adzamseka: Popeza apenya kuti tsiku lace likudza.

¹⁴Oipa anasolola lupanga, nakoka uta wao; Alikhe ozunzika ndi aumphawi, Aphe amene ali oongoka m'njira:

¹⁵Lupanga lao lidzalowa m'mtima mwao momwe, Ndipo mauta ao adzatyoledwa.

¹⁶Zocepa zace za wolungama zikoma Koposa kucuruka kwao kwa oipa ambiri.

¹⁷Pakuti manja a oipa adzatyoledwa: Koma Yehova acirikiza olungama.

¹⁸Yehova adziwa masiku a anthu angwiro: Ndipo cosiyira cao cidzakhala cosatha.

¹⁹Sadzacita manyazi m'nyengo yoipa: Ndipo m'masiku a njala adzakhuta.

²⁰Pakuti oipa adzatayika, Ndipo adani ace a Yehova adzanga mafuta a ana a nkhosa: Adzanyeka, monga utsi adzakanganuka.

²¹Woipa akongola, wosabweza: Koma wolungama acitira cifundo, napereka.

²²Pakuti iwo amene awadalitsa adzalandira dziko lapansi; Koma iwo amene awatemberera adzadulidwa.

²³Yehova akhazikitsa mayendedwe a munthu; Ndipo akondwera nayo njira yace.

²⁴Angakhale akagwa, satayikiratu: Pakuti Yehova agwira dzanja lace.

²⁵Ndinali mwana ndipo ndakalamba: Ndipo sindinapenya wolungama wasiyidwa, Kapena mbumba zace zirinkupempha cakudya.

²⁶Tsiku lonse acitira cifundo, nakongoletsa; Ndipo mbumba zace zidalitsidwa.

²⁷Siyana naco coipa, nucite cokoma, Nukhale nthawi zonse.

²⁸Pakuti Yehova akonda ciweruzo, Ndipo sataya okondedwa ace: Asungika kosatha: Koma adzadula mbumba za oipa.

²⁹Olungama adzalandira dziko lapansi, Nadzakhala momwemo kosatha.

³⁰Pakamwa pa wolungama palankhula zanzeru, Ndi lilime lace linena ciweruzo.

³¹Malamulo a Mulungu wace ali mumtima mwace; Pakuyenda pace sadzaterereka.

³²Woipa aunguza wolungama, Nafuna kumupha.

³³Yehova sadzamsiya m'dzanja lace: Ndipo sadzamtsutsa poweruzidwa iye.

³⁴Yembekeza Yehova, nusunge njira yace, Ndipo Iye adzakukweza kuti ulandire dziko: Pakudutidwa oipa udzapenya,

³⁵Ndapenya woipa, alikuopsa, Natasa monga mtengo wauwisi wanzika.

³⁶Koma anapita ndipo taona, kwati zi: Ndipo ndinampwaira osampeza.

³⁷Tapenya wangwiro, ndipo taona woongoka mtima! Pakuti ku matsiriziro ace a munthuyo kuti mtendere.

³⁸Koma olakwa adzaonongeka pamodzi: Matsiriziro a oipa adzadutidwa.

³⁹Koma cipulumutso ca olungama cidzera kwa Yehova, Iye ndiye mphamvu yao m'nyengo ya nsautso.

⁴⁰Ndipo Yehova awathandiza, nawalanditsa: Awalanditsa kwa oipa nawapulumutsa, Cifukwa kuti anamkhulupirira Iye,