Read Buku Lopatulik Masalmo 38 Bible Online

Masalmo 38 - Buku Lopatulik bible

Masalmo 38

¹Yehova, musandidzudzule ndi mkwiyo wanu: Ndipo musandilange moopsa m'mtima mwanu.

²Pakuti mibvi yanu yandilowa, Ndi dzanja lanu landigwera.

³Mumnofu mwanga mulibe camoyo cifukwa ca ukali wanu; Ndipo m'mafupa anga simuzizira, cifukwa ca colakwa canga.

⁴Pakuti mphulupulu zanga zapitirira pamutu panga: Ndathodwa nazo monga ndi katundu wolemera.

⁵Mabala anga anunkha, adaola, Cifukwa ca kupusa kwanga.

⁶Ndapindika, ndawerama kwakukuru; Ndimayenda woliralira tsiku lonse.

⁷Pakuti m'cuuno mwanga mutentha kwambiri; Palibe pamoyo m'mnofu mwanga,

⁸Ndafoka ine, ndipo ndacinjizidwa: Ndabangula cifukwa ca kumyuka mtima wanga.

⁹Ambuye, cikhumbo canga conse ciri pamaso panu; Ndipo kubuula kwanga sikubisika kwa Inu.

¹⁰Mtima wanga ugundagunda, mphamvu yanga yacoka: Ndipo kuunika kwa maso anga, ndi iko komwe kwandicokera.

¹¹Ondikonda ndi anzanga apewa mliri wanga; Ndipo anansi anga aima patali.

¹²Ndipo andichera misampha iwo akufuna moyo wanga; Ndipo iwo akuyesa kundicitira coipa alankhula zoononga, Nalingirira zonyenga tsiku lonse.

¹³Koma ine, monga gonthi, sindimva; Ndipo monga munthu wosalankhula, sinditsegula pakamwa panga.

¹⁴Inde ndikunga munthu wosamva, Ndipo m'kamwa mwanga mulibe makani.

¹⁵Pakuti ndikuyembekezani Inu, Yehova; Inu mudzayankha, Ambuye Mulungu wanga.

¹⁶Pakuti ndinati, Asakondwerere ine: Pakuterereka phazi langa, asadzikuze pa ine.

¹⁷Ndafikana potsimphina; Ndipo cisoni canga ciri pamaso panga cikhalire.

¹⁸Pakuti ndidzafotokozera mphulupulu yanga; Nditenga nkhawa cifukwa ca chimo langa.

¹⁹Koma adani anga ali ndi moyo, nakhalandi mphamvu: Ndipo akundida kopanda cifukwa acuruka.

²⁰Ndipo iwo akubwezera coipa pa cabwino Atsutsana nane, popeza nditsata cabwino.

²¹Musanditaye, Yehova: Mulungu wanga, musakhale kutali ndi ine.

²²Fulumirani kundithandiza, Ambuye, cipulumutso canga.