Read Buku Lopatulik Masalmo 39 Bible Online

Masalmo 39 - Buku Lopatulik bible

Masalmo 39

¹Ndinati, Ndidzasunga njira zanga, Kuti ndingacimwe ndi lilime langa: Ndidzasunga pakamwa panga ndi cam'kamwa, Pokhala woipa ali pamaso panga.

²Ndinatonthola osanena mau, ndinakhala cete osalawa cokoma; Ndipo cisoni canga cinabuka.

³Mtima wanga unatentha m'kati mwaine; Unayaka moto pakulingirira ine: Pamenepo ndinalankhula ndi lilime langa:

⁴Yehova, mundidziwitse cimariziro canga, Ndi mawerengedwe a masiku anga ndi angati; Ndidziwe malekezero anga,

⁵Onani, munaika masiku anga akhale monga kuyesa dzanja; Ndipo zaka zanga ziri ngati cabe pamaso panu: Indedi munthu ali yense angakhale wokhazikika, ali cabe konse.

⁶Indedi munthu ayenda ngati mthunzi: Indedi abvutika cabe: Asonkhanitsa cuma, ndipo sadziwa adzacilandira ndani?

⁷Ndipo tsopano, Ambuye, ndilindira ciani? Ciyembekezo canga ciri pa Inu.

⁸Ndipulumutseni kwa zolakwa zangazonse: Musandiike ndikhale cotonza ca wopusa.

⁹Ndinakhala du, sindinatsegula pakamwa panga; Cifukwa inu mudacicita.

¹⁰Mundicotsere cobvutitsa canu; Pandithera ine cifukwa ca kulanga kwa dzanja lanu.

¹¹Pamene mulanga munthu ndi zomdzudzula cifukwa ca mphulupulu, Mukanganula kukongola kwace monga mumacita ndi kadzoce: Indedi, munthu ali yense ali cabe.

¹²Imvani pemphero langa, Yehova, ndipo cherani khutu kulira kwanga; Musakhale cete pa misozi yanga: Pakuti ine ndine mlendo ndi Inu, Wosakhazikika, monga makolo anga onse.

¹³Ndiloleni, kuti nditsitsimuke, Ndisanamuke ndi kukhala kuli zi.