Read Buku Lopatulik Masalmo 40 Bible Online

Masalmo 40 - Buku Lopatulik bible

Masalmo 40

¹Kuyembekeza ndayembekeza Yehova; Ndipo anandilola, namva kupfuula kwanga.

²Ndipo anandikweza kunditurutsa m'dzenje la citayiko, ndi m'thope la pacithaphwi; Nandipondetsa pathanthwe, nakhazika mayendedwe anga.

³Ndipo anapatsa Nyimbo yatsopano m'kamwa mwanga, cilemekezo ca kwa Mulungu wanga; Ambiri adzaciona, nadzaopa, Ndipo adzakhulupirira Yehova.

⁴Wodala munthuyo wakuyesa Yehova wokhulupirika; Wosasamala odzikuza, ndi opatukira kubodza.

⁵Inu, Yehova, Mulungu wanga, zodabwiza zanu mudazicita nzambiri, Ndipo zolingirira zanu za pa ife; Palibe wina wozifotokozera Inu; Ndikazisimba ndi kuzichula, Zindicurukira kuziwerenga.

⁶Nsembe ndi copereka simukondwera nazo; Mwanditsegula makutu: Nsembe yopsereza ndi yamacimo simunapempha.

⁷Pamenepo ndinati, Taonani, ndadza; M'buku mwalembedwa za Ine:

⁸Kucita cikondwero canu kundikonda, Mulungu wanga; Ndipo malamulo anu ali m'kati mwamtima mwanga.

⁹Ndalalikira cilungamo mu msonkano waukuru; Onani, sindidzaletsa milomo yanga, Mudziwa ndinu Yehova.

¹⁰Cilungamo canu sindinacibisa m'kati mwamtima mwanga; Cikhulupiriko canu ndi cipulumutso canu ndinacinena; Cifundo canu ndi coonadi canu sindinacibisira msonkhano waukuru.

¹¹Inu Yehova, simudzandikaniza nsoni zanu: Cifundo canu ndi coonadi canu zindisunge cisungire.

¹²Pakuti zoipa zosawerengeka zandizinga, Zocimwa zanga zandipeza kotero kuti sindikhoza kupenya; Ziposa tsitsi la mutu wanga, ndipo wandicokera mtima.

¹³Ndikupemphani, Yehova, ndilanditseni: Fulumirani kudzandithandiza, Yehova.

¹⁴Acite manyazi nadodome Iwo akulondola moyo wanga kuti auononge: Abwerere m'mbuyo, nacite manyazi iwo okondwera kundicitira coipa.

¹⁵Apululuke, mobwezera manyazi ao Amene anena nane, Hede, hede.

¹⁶Asekerere nakondwerere mwa Inu onse akufuna Inu: Iwo akukonda cipulumutso canu asaleke kunena, Abuke Yehova.

¹⁷Ndipo ine ndine wozunzika ndi waumphawi; Koma Ambuye andikumbukila ine: Inu ndinu mthandizi wanga, ndi mpulumutsi wanga: Musamacedwa, Mulungu wanga,