Read Buku Lopatulik Masalmo 41 Bible Online

Masalmo 41 - Buku Lopatulik bible

Masalmo 41

¹Wodala iye amene asamalira wosauka: Tsiku la tsoka Yehova adzampulumutsa:

²Yehova adzamsunga, nadzamsunga ndi moyo, ndipo adzadalitsika pa dziko lapansi; Ndipo musampereke ku cifuniro ca adani ace.

³Yehova adzamgwiriziza pa kama wodwalira; Podwala iye mukonza pogona pace,

⁴Ndinati ine, Mundicitire cifundo, Yehova: Ciritsani mtima wanga; pakuti ndacimwira Inu.

⁵Adani anga andinenera coipa, ndi kuti, Adzafa liti, ndi kutayika dzina lace?

⁶Ndipo akadza kundiona wina angonena bodza; Mumtima mwace adzisonkhera zopanda pace: Akamka nayenda namakanena:

⁷Onse akudana nane andinong'onezerana; Apangana condiipsa ine.

⁸Camgwera cinthu coopsa, ati; Popeza ali gonire sadzaukanso.

⁹Ngakhale bwenzi langa leni leni, amene ndamkhulupirira, ndiye amene adadyako mkate wanga, Anandikwezera cidendene cace.

¹⁰Koma Inu, Yehova, mundicitire cifundo, ndipo mundiutse, Kuti ndiwabwezere.

¹¹Umo ndidziwa kuti mukondwera ndi ine, Popeza mdani wanga sandiseka.

¹²Ndipo ine, mundigwirizize m'ungwiro wanga, Ndipo mundiike pankhope panu ku nthawi yamuyaya.

¹³Wodalitsika Yehova, Mulungu wa Israyeli, Kucokera nthawi yosayamba kufikira nthawi yosatha. Amen, ndi Amen.