Read Buku Lopatulik Masalmo 47 Bible Online

Masalmo 47 - Buku Lopatulik bible

Masalmo 47

¹Ombani m'manja, mitundu yonse ya anthu; Pfuulirani kwa Mulungu ndi liu la kuyimbitsa.

²Pakuti Yehova Wam'mwambamwamba ndiye woopsa; Ndiye mfumu yaikuru pa dziko lonse lapansi.

³Atigonjetsera anthu, Naika amitundu pansi pa mapazi athu.

⁴Atisankhira colowa cathu, Cokometsetsa ca Yakobo amene anamkonda.

⁵Mulungu wakwera ndi mpfuu, Yehova ndi liu la lipenga.

⁶Yimbirani Mulungu, yimbirani; Yimbirani Mfumu yathu, yimbirani.

⁷Pakuti Mulungu ndiye Mfumu ya dziko lonse lapansi; Yimbirani ndi cilangizo.

⁸Mulungu ndiye Mfumu ya amitundu: Mulungu akhala pa mpando wacifumu wace woyera.

⁹Akulu a anthu asonkhana Akhale anthu a Mulungu wa Abrahamu: Pakuti zikopa za dziko lapansi nza Mulungu; Akwezeka kwakukuru Iyeyo.