Read Buku Lopatulik Masalmo 50 Bible Online

Masalmo 50 - Buku Lopatulik bible

Masalmo 50

¹Mulungu wa milungu, Yehova, wanena, Aitana dziko lapansi kuyambira kuturuka kwa dzuwa kufikira kulowa kwace.

²Mulungu awalira m'Ziyoni, mokongola mwangwiro.

³Adzafika Mulungu wathu, ndipo sadzakhala cete: Moto udzanyeka pankhope pace, Ndipo pozungulira pace padzasokosera kwakukuru.

⁴Kumwamba adzaitana zakumwamba, Ndi dziko lapansi, kuti aweruze anthu ace:

⁵Mundisonkhanitsire okondedwa anga; Amene anapangana ndi Ine ndi nsembe.

⁶Ndipo zakumwamba zionetsera cilungamo cace; Pakuti Mulungu mwini wace ndiye woweruza.

⁷Imvani, anthu anga, ndipo ndidzanena; Israyeli, ndipo ndidzacita mboni pa iwe: Ine Mulungu, ndine Mulungu wako.

⁸Sindikudzudzula iwe cifukwa ca nsembe zako; Popeza nsembe zako zopsereza ziri pamaso panga cikhalire.

⁹Sindidzatenga ng'ombe m'nyumbamwako, Kapena mbuzi m'makola mwako.

¹⁰Pakuti zamoyo zonse za kuthengo ndi zanga, Ndi ng'ombe za pa mapiri zikwi.

¹¹Ndidziwa mbalame zonse za m'mapiri: Ndipo nyama za kuthengo ziri ndi Ine.

¹²Ndikamva njala, sindidzakuuza: Pakuti dziko lonse ndi langa, ndi kudzala kwace komwe.

¹³Kodi ndidzadya nyama ya ng'ombe, Kapena kumwa mwazi wa mbuzi?

¹⁴Pereka kwa Mulungu nsembe yaciyamiko; Numcitire Wam'mwambamwamba cowinda cako:

¹⁵Ndipo undiitane tsiku la cisautso: Ndidzakulanditsa, ndipo iwe udzandilemekeza.

¹⁶Koma kwa woipa Mulungu anena, Uli nao ciani malemba anga kulalikira, Ndi kuchula pangano langa pakamwa pako?

¹⁷Popeza udana naco cilangizo, Nufulatira mau anga.

¹⁸Pakuona mbala, ubvomerezana nayo, Nucita nao acigololo.

¹⁹Pakamwa pako mpocita zocimwa, Ndipo lilime lako likonza cinyengo.

²⁰Ukhala, nuneneza mbale wako; Usinjirira mwana wa mai wako.

²¹Izi unazicita iwe, ndipo ndinakhala cete Ine; Unayesa kuti ndifanana nawe: Ndidzakudzudzula, ndi kucilongosola pamaso pako.

²²Dziwitsani ici inu oiwala Mulungu, Kuti ndingakumwetuleni, ndipo mungasowepo mpulumutsi:

²³Wopereka nsembe yaciyamiko andilemekeza Ine; Ndipo kwa iye wosunga mayendedwe ace Ndidzamuonetsa cipulumutso ca Mulungu.