Read Buku Lopatulik Masalmo 52 Bible Online

Masalmo 52 - Buku Lopatulik bible

Masalmo 52

¹Udzitamandiranji ndi coipa, ciphonaiwe? Cifundo ca Mulungu cikhala tsiku lonse.

²Lilime lako likupanga zoipa; Likunga lumo lakuthwa, lakucita monyenga.

³Ukonda coipa koposa cokoma; Ndi bodza koposa kunena cilungamo.

⁴Ukonda mau onse akuononga, Lilime lacinyengo, iwe.

⁵Potero Mulungu adzakupasula ku nthawi zonse, Adzakucotsa nadzakukwatula m'hema mwako, Nadzakuzula, kukucotsa m'dziko la amoyo.

⁶Ndipo olungama adzaciona, nadzaopa, Nadzamseka, ndi kuti,

⁷Tapenyani, suyu munthuyu amene sanamuyesa Mulungu mphamvu yace; Amene anatama kucuruka kwa cuma cace, Nadzilimbitsa m'kuipsa kwace.

⁸Koma ine ndine ngati mtengo wauwisi waazitona m'nyumba ya Mulungu: Ndikhulupirira cifundo ca Mulungu ku nthawi za nthawi.

⁹Ndidzakuyamikani kosatha, popeza Inu munacicita ici: Ndipo ndidzayembekeza dzina lanu, pakuti ici ncokoma, pamaso pa okondedwa anu,