Read Buku Lopatulik Masalmo 56 Bible Online

Masalmo 56 - Buku Lopatulik bible

Masalmo 56

¹Mundicitire cifundo, Mulungu, pakuti anthu afuna kundimeza: Andipsinja pondithira nkhondo tsiku lonse.

²Adani anga afuna kundimeza tsiku lonse: Pakuti ambiri andithira nkhondo modzikuza.

³Tsiku lakuopa ine, Ndidzakhulupirira Inu.

⁴Mwa Mulungu ndidzalemekeza mau ace: Ndakhulupirira Mulungu, sindidzaopa; Anthu adzandicitanji?

⁵Tsiku lonse atenderuza mau anga: Zolingirira zao zonse ziri pa ine kundicitira coipa.

⁶Amemezana, alalira, Achereza mapazi anga, Popeza alindira moyo wanga.

⁷Kodi adzapulumuka ndi zopanda pace? Gwetsani anthu mumkwiyo, Mulungu.

⁸Muwerenga kuthawathawa kwanga: Sungani misozi yanga m'nsupa yanu; Kodi siikhala m'buku mwanu?

⁹Pamenepo adani anga adzabwerera m'mbuyo tsiku lakuitana ine: Ici ndidziwa, kuti Mulungu abvomerezana nane.

¹⁰Mwa Mulungu ndidzalemekeza mau ace: Mwa Yehova ndidzalemekeza mau ace.

¹¹Pa Mulungu ndakhulupirira, sindidzaopa; Munthu adzandicitanji?

¹²Zowindira Inu Mulungu, ziri pa ine: Ndidzakucitirani zoyamika.

¹³Pakuti mwalanditsa moyo wanga kuimfa: Simunatero nao mapazi anga kuti ndingagwe? Kuti ndiyende pamaso pa Mulungu M'kuunika kwa amoyo.