Read Buku Lopatulik Masalmo 57 Bible Online

Masalmo 57 - Buku Lopatulik bible

Masalmo 57

¹Mundicitire cifundo, Mulungu, mundicitire cifundo; Pakuti moyo wanga ukhulupirira Inu: Ndipo ndithawira ku mthunzi wa mapiko anu, Kufikira zosakazazo zidzapita.

²Ndidzapfuulira kwa Mulungu Wam'mwambamwamba; Ndiye Mulungu wonditsirizira zonse.

³Adzanditumizira m'mwamba, nadzandipulumutsa Ponditonza wofuna kundimeza; Mulungu adzatumiza cifundo cace ndi coonadi cace.

⁴Moyo wanga uli pakati pa mikango; Ndigona pakati pa oyaka moto, Ndiwo ana a anthu amene mano ao ali nthungo ndi mibvi, Ndipo lilime lao ndilio lupanga lakuthwa.

⁵Mukwezeke m'mwambamwa mba, Mulungu; Ulemerero wanu ukhale pamwamba pa dziko lonse lapansi.

⁶Anandichera ukonde apo ndiyenda; Moyo wanga wawerama: Anandikumbira mbuna patsogolo panga; Anagwa m'kati mwace iwo okha.

⁷Mtima wanga wakhazikika, Mulungu, ndakhazika mtima; Ndidzayimba, inde, ndidzayimba zolemekeza.

⁸Galamuka, ulemu wanga; galamukani cisakasa ndi zeze: Ndidzauka ndekha mamawa.

⁹Ndidzakuyamikirani mwa anthu, Ambuye: Ndidzakuyimbirani mwa mitundu.

¹⁰Pakuti cifundo canu ncacikuru kufikira m'mwamba, Ndi coonadi canu kufikira mitambo.

¹¹Kwezekani m'mwambamwamba, Mulungu; Ulemerero wanu ukhale pamwamba m'dziko lonse lapansi.