Read Buku Lopatulik Masalmo 58 Bible Online

Masalmo 58 - Buku Lopatulik bible

Masalmo 58

¹Kodi muli cete ndithu poyenera inu kunena zolungama? Muweruza ana a anthu molunjika kodi?

²Inde, mumtima mucita zosalungama; Pa dziko lapansi mugawira anthu ciwawa ca m'manja mwanu.

³Oipa acita cilendo cibadwire: Asokera kuyambira kubadwa kwao, nanena bodza.

⁴Ululu wao ukunga wa njoka; Akunga mphiri yogontha m'khutu, itseka m'khutu mwace.

⁵Imene simvera liu la oitana, Akucita matsenga mocenieratu,

⁶Tyolani mano ao m'kamwa mwao, Mulungu: Zulani zitsakano za misona ya mkango, Yehova.

⁷Apitetu ngati madzi oyenda; Popiringidza mibvi yace ikhale yodukaduka.

⁸Apite ngati nkhono yosungunuka; Asaone dzuwa monga mtayo,

⁹Miphika yanu isanagwire moto waminga, Adzaiuluza, yaiwisi ndi yoyaka.

¹⁰Wolungama adzakondwera pakuona kubwezera cilango: Adzasamba mapazi ace m'mwazi wa woipa.

¹¹Ndipo anthu adzati, Indedi, pali mphotho kwa wolungama; Indedi, pali Mulungu wakuweruza pa dziko lapansi.