Read Buku Lopatulik Masalmo 60 Bible Online

Masalmo 60 - Buku Lopatulik bible

Masalmo 60

¹Mwatitaya Mulungu, mwatipasula; Mwakwiya; tibwezereni.

²Mwagwedeza dziko, mwaling'amba: Konzani ming'alu yace; pakuti ligwedezeka.

³Mwaonetsa anthu anu zowawa: Mwatimwetsa vinyo wotinjenjemeretsa.

⁴Koma mwapatsa mbendera akuopa Inu, Aikweze cifukwa ca coonadi.

⁵Kuti okondedwa anu alanditsidwe, Pulumutsani ndi dzanja lanu lamanja, ndipo mutibvomereze.

⁶Mulungu walankhula m'ciyero cace; ndidzakondwerera: Ndidzagawa Sekemu, ndidzayesa muyeso cigwa ca Sukoti.

⁷Gileadi ndi wanga, Manasenso ndi wanga; Ndipo Efraimu ndi mphamvu ya mutu wanga; Yuda ndiye wolamulira wanga,

⁸Moabu ndiye mkhate wanga; Pa Edomu ndidzaponya nsapato yanga: Filistiya, pfuulatu cifukwa ca ine.

⁹Adzandifikitsa ndani m'mudzi wa m'linga? Adzanditsogolera ndani ku Edomu?

¹⁰Si ndinu, Mulungu, amene mwantaya? Osaturuka nao makamu athu, Mulungu.

¹¹Tithandizeni kunsautso; Kuti cipulumutso ca munthu ndi cabe.

¹²Mwa Mulungu tidzacita molimbika mtima, Ndipo Iye adzapondereza otisautsa.