Read Buku Lopatulik Masalmo 62 Bible Online

Masalmo 62 - Buku Lopatulik bible

Masalmo 62

¹Moyo wanga ukhalira cete Mulungu yekha: Cipulumutso canga cifuma kwa Iye.

²Iye yekhayo ndiye thanthwe langa ndi cipulumutso canga; Msanje wanga, sindidzagwedezeka kwakukuru.

³Mudzambvumbvulukira munthu mpaka liti, Kumupha iye, nonsenu, Monga khoma lopendekeka, ndi mpanda woweyeseka?

⁴Komatu amkhaliraupo kuti amkankhire pansi ulemu wace; Akondwera nao mabodza; Adalitsa ndi m'kamwa mwao, Koma atemberera mumtima.

⁵Moyo wanga, ukhalire cete Mulungu yekha; Pakuti ciyembekezo canga cifuma kwa Iye,

⁶Iye yekhayo ndiye thanthwe langa ndi cipulumutso canga, Msanje wanga, sindidzagwedezeka.

⁷Pa Mulungu pali cipulumutso canga ndi ulemerero wanga: Thanthwe la mphamvu yanga ndi pothawirapo panga mpa Mulungu.

⁸Khulupirani pa Iye nyengo zonse, anthu inu: Tsanulirani mitima yanu pamaso pace: Mulungu ndiye pothawirapo ife.

⁹Indetu, anthu acabe ndi mpweya, ndipo anthu akuru ndi bodza: Pakuwayesa apepuka; Onse pamodzi apepuka koposa mpweya,

¹⁰Musakhulupirire kusautsa, ndipo musatama cifwamba; Cikacuruka cuma musakhazikepo mitima yanu.

¹¹Mulungu ananena kamodzi, ndinacimva kawiri: Kuti mphamvu ndi yace ya Mulungu:

¹²Cifundonso ndi canu, Ambuye: Cifukwa Inu musudzula munthu ali yense monga mwa nchito yace.