Read Buku Lopatulik Masalmo 64 Bible Online

Masalmo 64 - Buku Lopatulik bible

Masalmo 64

¹Imvani Yehova, mau anga, m'kudandaula kwanga; Sungani moyo wanga angandiopse mdani.

²Ndibiseni pa upo wacinsinsi wa ocita zoipa; Pa phokoso la ocita zopanda pace:

³Amene anola lilime lao ngati lupanga, Napiringidza mibvi yao, ndiyo mau akuwawitsa;

⁴Kuponyera wangwiro mobisika: Amponyera modzidzimutsa, osaopa.

⁵Alimbikitsana m'cinthu coipa; Apangana za kuchera misampha mobisika; Akuti, Adzaiona ndani?

⁶Afunafuna zosalungama; kusanthula, asanthuladi kutha; Cingakhale ca m'kati mwace mwa munthu, ndi mtima wozama.

⁷Koma Mulungu adzawaponyera mubvi; Adzalaswa modzidzimutsa,

⁸Adzawakhumudwitsa, lilime lao lidzawatsutsa; Onse akuwaona adzawathawa.

⁹Ndipo anthu onse adzacita mantha; Nadzabukitsa cocita Mulungu, Nadzasamalira nchito yace.

¹⁰Wolungama adzakondwera mwa Yehova, nadzakhulupirira Iye; Ndipo oongoka mtima onse adzalemekeza.