Read Buku Lopatulik Masalmo 65 Bible Online

Masalmo 65 - Buku Lopatulik bible

Masalmo 65

¹M'Ziyoni akulemekezani Inu mwacete, Mulungu: Adzakucitirani Inu cowindaci.

²Wakumva pemphero Inu, Zamoyo zonse zidzadza kwa Inu.

³Mphulupulu zinandilaka; Koma mudzafafaniza zolakwa zathu.

⁴Wodala munthuyo mumsankha, ndi kumyandikizitsa, Akhale m'mabwalo anu: Tidzakhuta nazo zokoma za m'nyumba yanu, Za m'malo oyera a Kacisi wanu.

⁵Mudzatiyankha nazo zoopsa m'cilungamo, Mulungu wa cipulumutso cathu; Ndinu cikhulupiriko ca malekezero Onse a dziko lapansi, Ndi ca iwo okhala kutali kunyanja:

⁶Ndinu amene mukhazikitsa mapiri ndi mphamvu yanu; Pozingidwa naco cilimbiko.

⁷Amene atontholetsa kukuntha kwa nyanja, kukuntha kwa mafunde ace, Ndi phokoso la mitundu ya anthu.

⁸Ndipo iwo akukhala kumalekezero adzacita mantha cifukwa ca zizindikilo zanu; Mukondweretsa apo paturukira dzuwa, ndi apo lilowera.

⁹Muceza nalo dziko lapansi, muhthirira, Mulilemeza kwambiri; Mtsinje wa Mulungu udzala nao madzi: Muwameretsera tirigu m'mene munakonzera nthaka.

¹⁰Mukhutitsa nthaka yace yolima; Mufafaniza nthumbira zace? Muiolowetsa ndi mbvumbi; Mudalitsa mmera wace.

¹¹Mubveka cakaci ndi ukoma wanu; Ndipo mabande anu akukha zakuca.

¹²Akukha pa mabusa a m'cipululu; Ndipo mapiri azingika naco cimwemwe.

¹³Podyetsa mpodzaza ndi zoweta; Ndipo zigwa zakutidwa ndi tirigu; Zipfuula mokondwera, inde ziyimbira.