Read Buku Lopatulik Masalmo 66 Bible Online

Masalmo 66 - Buku Lopatulik bible

Masalmo 66

¹Pfuulirani kwa Mulungu, dziko lonse lapansi.

²Yimbirani ulemerero wa dzina lace; Pomlemekeza mumcitire ulemerero.

³Nenani kwa Mulungu, Ha, nchito zanu nzoopsa nanga! Cifukwa ca mphamvu yanu yaikuru adani anu adzagonjera Inu,

⁴Dziko lonse lapansi lidzakugwadirani, Ndipo lidzakuyimbirani; Adzayimbira dzina lanu.

⁵Idzani, muone nchito za Mulungu; Zocitira Iye ana a anthu nzoopsa.

⁶Anasanduliza nyanja ikhale mtunda: Anaoloka mtsinje coponda pansi: Apo tinakondwera mwa Iye.

⁷Acita ufumu mwa mphamvu yace kosatha; Maso ace ayang'anira amitundu; Opikisana ndi Iye asadzikuze.

⁸Lemekezani Mulungu wathu, mitundu ya anthu inu, Ndipo mumveketse liu la cilemekezo cace:

⁹Iye amene asunga moyo wathu tingafe, Osalola phazi lathu literereke.

¹⁰Pakati munatiyesera, Mulungu: Munatiyenga monga ayenga siliya.

¹¹Munapita nafe kuukonde; Munatisenza cothodwetsa pamsana pathu.

¹²Munapititsa anthu oberekeka pamwamba pamitu pathu; Tinapyola moto ndi madzi; Koma munatifikitsa potitsitsimutsa.

¹³Ndidzalowa m'nyumba yanu ndi nsembe zopsereza, Ndidzakucitirani zowinda zanga,

¹⁴Zimene inazichula milomo yanga, Ndinazinena pakamwa panga pasautsika ine.

¹⁵Ndidzakufukizirani nsembe zapsereza zonona, Pamodzi ndi cofukiza ca mphongo za nkhosa; Ndidzakonza ng'ombe pamodzi ndi mbuzi.

¹⁶Idzani, imvani, inu nonse akuopa Mulungu, Ndipo ndidzafotokozera zonse anazicitira moyo wanga,

¹⁷Ndinampfuulira Iye pakamwa panga, Ndipo ndinamkuza ndi lilime langa,

¹⁸Ndikadasekera zopanda pace m'mtima mwanga, Ambuye sakadamvera:

¹⁹Koma Mulungu anamvadi; Anamvera mau a pemphero langa,

²⁰Wolemekezeka Mulungu, Amene sanandipatutsira ine pemphero langa, kapena cifundo cace.