Read Buku Lopatulik Masalmo 68 Bible Online

Masalmo 68 - Buku Lopatulik bible

Masalmo 68

¹Auke Mulungu, abalalike adani ace; Iwonso akumuda athawe pamaso pace.

²Muwacotse monga utsi ucotseka; Monga phula lisungunuka pamoto, Aonongeke oipa pamaso pa Mulungu.

³Koma olungama akondwere; atumphe ndi cimwemwe pamaso pa Mulungu; Ndipo asekere naco cikondwerero.

⁴Yimbirani Yehova, liyimbireni Nyimbo dzina lace; Undirani mseu Iye woberekekayo kucidikha; Dzina lace ndiye Yehova; ndipo tumphani ndi cimwemwe pamaso pace.

⁵Mulungu, mokhala mwace mayera, Ndiye Atate wa ana amasiye, ndi woweruza wa akazi amasiye.

⁶Mulungu amangitsira banjaanthu a pa okha; Aturutsa am'ndende alemerere; Koma opikisana naye akhala m'dziko lopanda madzi.

⁷Pakuturuka paja, Inu Mulungu, ndi kutsogolera anthu anu, Pakuyenda paja Inu m'cipululu;

⁸Dziko lapansi linagwedezeka, Inde thambo linakhapamaso pa Mulungu; Sinai lomwe linagwedezeka pamaso pa Mulungu, Mulungu wa Israyeli.

⁹Inu, Mulungu, munabvumbitsa cimvula, Munatsitsimutsa colowa canu pamene cidathodwa.

¹⁰Gulu lanu linakhala m'dziko muja: Mwa ukoma wanu munalikonzera ozunzika, Mulungu.

¹¹Ambuye anapatsa mau: Akazi akulalikira uthengawo ndiwo khamu lalikuru.

¹²Mafumu a magulu a ankhondo athawathawa: Ndipo mkazi amene akhala kwao agawa zofunkha.

¹³Pogona inu m'makola a zoweta, Mukhala ngati mapiko a njiwa okulira ndi siliva, Ndi nthenga zace zokulira ndi golidi woyenga wonyezimira.

¹⁴Pamene Wamphamvuyonse anabalalitsa mafumu m'dzikomo, Munayera ngati matalala m'Salimoni.

¹⁵Phiri la Basana ndilo phiri la Mulungu; Phiri la Basana ndilo phiri la mitu mitu.

¹⁶Mucitiranji nsanje mapiri inu a mitu mitu, Ndi phirilo Mulungu analikhumba, akhaleko? Inde, Yehova adzakhalabe komweko kosatha.

¹⁷Magareta a Mulungu ndiwo zikwi makumi awiri, inde zikwi zowirikiza-wirikiza: Ambuye ali pakati pao, monga m'Sinai, m'malo opatulika,

¹⁸Munakwera kumka kumwamba, munapita nao undende kuuyesa ndende; Munalandira zaufulu mwa anthu, Ngakhale mwa opikisana nanu, kuti Yehova Mulungu akakhale nao.

¹⁹Wolemekezeka Ambuye, tsiku ndi tsiku atisenzera katundu, Ndiye Mulungu wa cipulumutso cathu.

²⁰Mulungu akhala kwa ife Mulungu wa cipulumutso; Ndipo Yehova Ambuye ali nazo zopulumutsira kuimfa.

²¹Indedi Mulungu adzaphwanya mutu wa adani ace, Pakati pa mutu pa iye woyendabe m'kutsutsika kwace.

²²Ambuye anati, Ndidzawatenganso ku Basana, Ndidzawatenganso kozama kwa nyanja:

²³Kuti ubviike phazi lako m'mwazi, Kuti malilime a agaru ako alaweko adani ako.

²⁴Anapenya mayendedwe anu, Mulungu, Mayendedwe a Mulungu wanga, Mfumu yanga, m'malo oyera.

²⁵Oyimbira anatsogolera, oyimba zoyimba anatsata m'mbuyo, Pakatipo anamwali oyimba mangaka.

²⁶Lemekezani Mulungu m'masonkhano, Ndiye Ambuye, inu a gwero la Israyeli.

²⁷Apo pali Benjamini wamng'ono, wakuwacita ufumu, Akuru a Yuda, ndi a upo wao, Akulu a Zebuloni, akulu a Naftali.

²⁸Mulungu wako analamulira mphamvu yako: Limbitsani, Mulungu, cimene munaticitira.

²⁹Cifukwa ca Kacisi wanu wa m'Yerusalemu Mafumu adzabwera naco caufulu kukupatsani.

³⁰Dzudzulani cirombo ca m'bango, Khamu la mphongo ndi zipfulula za anthu, Yense wakudzigonjera ndi ndarama zasiliva; Anabalalitsa mitundu ya anthu ya kukondwera nayo nkhondo.

³¹Akulu adzafumira ku Aigupto; Kushi adzafulumira kutambalitsa manja ace kwa Mulungu.

³²Yimbirani Mulungu, maufumu a dziko lapansi inu; Yimbirani Ambuye zomlemekeza;

³³Kwa Iye wakuberekeka pamwambamwamba, oyambira kale lomwe; Taonani; amveketsa liu lace, ndilo liu lamphamvu.

³⁴Bvomerezani kuti mphamvu nja Mulungu; Ukulu wace uli pa Israyeli, Ndi mphamvu yace m'mitambo.

³⁵Inu Mulungu, ndinu woopsa m'malo oyera anu; Mulungu wa Israyeli ndiye amene apatsa anthu ace mphamvu ndi cilimbiko. Alemekezeke Mulungu.