Read Buku Lopatulik Masalmo 72 Bible Online

Masalmo 72 - Buku Lopatulik bible

Masalmo 72

¹Patsani mfumu maweruzo anu, Mulungu, Ndi mwana wa mfumu cilungamo canu.

²Potero adzanenera anthu anu mlandu ndi m'cilungamo, Ndi ozunzika anu ndi m'ciweruzo.

³Mapiri adzatengera anthu mtendere, Timapiri tomwe, m'cilungamo.

⁴Adzaweruza ozunzika a mwa anthu, Adzapulumutsa ana aumphawi, Nadzaphwanya wosautsa.

⁵Adzakuopani momwe likhalira dzuwa ndi mwezi, Kufikira mibadwo mibadwo.

⁶Adzanga mvula yakugwa pa udzu wosenga: Monga mvula yothirira dziko.

⁷Masiku ace wolungama adzakhazikika; Ndi mtendere wocuruka, kufikira sipadzakhala mwezi.

⁸Ndipo adzacita ufumu kucokera kunyanja kufikira kunyanja, Ndi kucokera ku Mtsinje kufikira malekezero a dziko lapansi.

⁹Okhala m'cipululu adzagwadira pamaso pace; Ndi adani ace adzaluma nthaka.

¹⁰Mafumu a ku Tarisi ndi ku Zisumbuzo adzabwera naco copereka; Mafumu a ku Sheba ndi Seba adzadza nazo mphatso,

¹¹Inde mafumu onse adzamgwadira iye: Amitundu onse adzamtumikira.

¹²Pakuti adzapulumutsa waumphawi wopfuulayo; Ndi wozunzika amene alibe mthandizi.

¹³Adzacitira nsoni wosauka ndi waumphawi, Nadzapulumutsa moyo wa aumphawi,

¹⁴Adzaombola moyo wao ku cinyengo ndi ciwawa; Ndipo mwazi wao udzakhala wa mtengo pamaso pace:

¹⁵Ndipo iye adzakhala ndi moyo; ndipo adzampatsa golidi wa ku Sheba; Nadzampempherera kosalekeza; Adzamlemekeza tsiku lonse.

¹⁶M'dzikomo mudzakhala dzinthu dzocuruka pamwamba pa mapiri; Zipatso zace zidzati waa, ngati za ku Lebano: Ndipo iwo a m'mudzi adzaphuka ngati msipu wapansi.

¹⁷Dzina lace lidzakhala kosatha: Momwe likhalira dzuwa dzina lace lidzamvekera zidzukulu: Ndipo anthu adzadalitsidwa mwa Iye; Amitundu onse adzamucha wodala.

¹⁸Wolemekezeka Yehova Mulungu, Mulungu wa Israyeli, Amene acita zodabwiza yekhayo:

¹⁹Ndipo dzina lace la ulemerero lidalitsike kosatha; Ndipo dziko lonse lapansi lidzale nao ulemerero wace. Amen, ndi Amen.