Read Buku Lopatulik Masalmo 73 Bible Online

Masalmo 73 - Buku Lopatulik bible

Masalmo 73

¹Indedi Mulungu acitira Israyeli zabwino, Iwo a mtima wa mbe.

²Koma ine, ndikadagwa; Mapazi anga akadaterereka,

³Pakuti ndinacitira nsanje odzitamandira, Pakuona mtendere wa oipa,

⁴Pakuti palibe zomangira pakufa iwo: Ndi mphamvu yao niolimba,

⁵Sabvutika monga anthu ena; Sasautsika monga anthu ena.

⁶Cifukwa cace kudzikuza kunga unyolo pakhosi pao; Acibvala ciwawa ngati malaya.

⁷Kunenepa kwao kutuzulitsa maso ao: Malingaliro a mitima yao asefukira.

⁸Acita zaphwete nalankhula moipa za kusautsa: Alankhula modzitama.

⁹Pakamwa pao anena zam'mwamba, Ndipo lilime lao liyendayenda m'dziko lapansi.

¹⁰Cifukwa cace anthu ace amabwera kudza kuno: Ndipo cikho codzala ndi madzi acigugudiza.

¹¹Namati, Akacidziwa bwanji Mulungu? Kodi Wam'mwambamwamba ali nayonzeru?

¹²Tapenyani, oipa ndi awa; Ndipo pokhazikika cikhazikikire aonjezerapo pa cuma cao.

¹³Indedi, ndinayeretsa mtima wanga kwacabe, Ndipo ndinasamba m'manja mosalakwa;

¹⁴Popeza andisautsa tsiku lonse, Nandilanga mamawa monse,

¹⁵Ndikadati, Ndidzafotokozera cotere, Taonani, ndikadacita cosakhulupirika ndi mbadwo wa ana ako.

¹⁶Pamene ndinayesa kudziwitsa ici, Ndinabvutika naco;

¹⁷Mpaka ndinalowa m'zoyera za Mulungu, Ndi kulingalira citsiriziro cao.

¹⁸Indedi muwaika poterera: Muwagwetsa kuti muwaononge.

¹⁹Ha! m'kamphindi ayesedwa bwinja; Athedwa konse ndi zoopsya.

²⁰Monga anthu atauka, apepula loto; Momwemo, Inu Ambuye, pakuuka mudzapeputsa cithunzithunzi cao.

²¹Pakuti mtima wanga udawawa, Ndipo ndinalaswa m'imso zanga;

²²Ndinali wam'thengo, wosadziwa kanthu; Ndinali ngati nyama pamaso panu.

²³Koma ndikhala ndi Inu cikhalire: Mwandigwira dzanja langa la manja.

²⁴Mudzanditsogolera ndi uphungu wanu, Ndipo mutatero, mudzandilandira m'ulemerero,

²⁵Ndiri ndi yani Kumwamba, koma Inu? Ndipo Pa dziko lapansi palibe wina wondikonda koma Inu.

²⁶Likatha thupi langa ndi mtima wanga: Mulungu ndiye thanthwe la mtima wanga, ndi colandira canga cosatha.

²⁷Pakuti, taonani, iwo okhala patali ndi Inu adzaonongeka; Muononga onse akupembedza kwina, kosiyana ndi Inu.

²⁸Koma ine, kundikomera kuyandikiza kwa Mulungu: Ndimuyesa Ambuye Yehova pathawirapo ine, Kuti ndifotokozere nchito zanu zonse,