Read Buku Lopatulik Masalmo 76 Bible Online

Masalmo 76 - Buku Lopatulik bible

Masalmo 76

¹Mulungu adziwika mwa Yuda: Dzina lace limveka mwa Israyeli.

²Msasa wace unali m'Salemu, Ndipo pokhala Iye m'Ziyoni.

³Pomwepo anatyola mibvi ya paota; Cikopa, ndi lupanga, ndi nkhondo.

⁴Inu ndinu wakuunikira, ndi womveka wakuposa mapiri muli acifwamba.

⁵Olimba mtima cifunkhidwa cuma cao, agona tulo tao; Amuna onse amphamvu asowa manja ao.

⁶Pa kudzudzula kwanu, Mulungu wa Yakobo, Gareta ndi kavalo yemwe anagwa m'tulo.

⁷Inu ndinu woopsa; Ndipo utauka mkwiyo wanu adzakhala ciriri ndani pamaso panu?

⁸Mudamveketsa ciweruzo cocokera Kumwamba; Dziko lapansi linacita mantha, nilinakhala cete,

⁹Pakuuka Mulungu kuti aweruze, Kuti apulumutse ofatsa onse a pa dziko lapansi.

¹⁰Indedi, kuzaza kwace kwa munthu kudzakulemekezani; Cotsalira ca kuzazaku mudzaciletsa.

¹¹Windani ndipo citirani Yehova Mulungu wanu zowindazo; Onse akumzinga abwere naco copereka ca kwa Iye amene ayenera kumuopa.

¹²Iye adzadula mzimu wa akulu; Akhala woopsa kwa mafumu a pa dziko lapansi.