Read Buku Lopatulik Masalmo 77 Bible Online

Masalmo 77 - Buku Lopatulik bible

Masalmo 77

¹Ndidzapfuulira kwa Mulungu ndi mau anga; Kwa Mulungu ndi mau anga, ndipo adzandicherezera khutu.

²Tsiku la nsautso yanga ndinafuna Ambuye: Dzanja langa linatambalika usiku, losaleka; Mtima wanga unakanakutonthozedwa.

³Ndikumbukila Mulungu ndipo ndibvutika; Ndilingalira ndipo mzimu wanga ukomoka.

⁴Mundikhalitsa maso; Ndigwidwa mtima wosanena kanthu.

⁵Ndinaganizira masiku akale, zaka zakalekale.

⁶Ndikumbukila Nyimbo yanga, usiku; Ndilingalira mumtima mwanga; Mzimu wanga unasanthula.

⁷Kodi Mulungu adzataya nthawi yonse? Osabwerezanso kukondwera nafe.

⁸Cifundo cace calekeka konse konse kodi? Lonjezano lace lidatha kodi ku mibadwo yonse?

⁹Kodi Mulungu waiwala kucita cifundo? Watsekereza kodi nsoni zokoma zace mumkwiyo?

¹⁰Ndipo ndinati, Cindilaka ici; Koma ndikumbukila zaka za dzanja lamanja la Wam'mwambamwamba.

¹¹Ndidzakumbukila zimene adazicita Ambuye; Inde, ndidzakumbukila zodabwiza zanu zoyambira kale.

¹²Ndipo ndidzalingalira nchito yanu yonse, Ndi kulingalirabe zimene munazicita Inu.

¹³Mulungu, m'malo opatulika muli njira yanu; Mulungu wamkuru ndani monga Mulungu?

¹⁴Inu ndinu Mulungu wakucita codabwiza; Munazindikiritsa mphamvu yanu mwa mitundu ya anthu.

¹⁵Munaombola anthu anu ndi mkonowanu, Ndiwo ana a Yakobo, ndi a Yosefe.

¹⁶Madziwo anakuonani Mulungu; Anakuonani madziwo; anacita mantha: Zozama zomwe zinanjenjemera,

¹⁷Makongwa anatsanula madzi; Thambo lidamvetsa liu lace; Mibvi yanu yomwe inaturukira.

¹⁸Liu la bingu lanu linatengezanatengezana; Mphezi zinaunikira ponse pali anthu; Dziko lapansi linanjenjemera ndi kugwedezeka.

¹⁹Njira yanu inali m'nyanja, Koyenda Inu nku madzi akulu, Ndipo mapazi anu sanadziwika.

²⁰Munatsogolera anthu anu ngati gulu la nkhosa, Ndi dzanja la Mose ndi Aroni,