Read Buku Lopatulik Masalmo 79 Bible Online

Masalmo 79 - Buku Lopatulik bible

Masalmo 79

¹Mulungu, akunja alowa m'colandira canu; Anaipsa Kacisi wanu woyera; Anacititsa Yerusalemu bwinja.

²Anapereka mitembo ya atumiki anu ikhale cakudya ca mbalame za mlengalenga, Nyama ya okondedwa anu anaipereka kwa zirombo za m'dziko.

³Anakhetsa mwazi wao ngati madzi pozungulira Yerusalemu; Ndipo panalibe wakuwaika.

⁴Takhala cotonza ca anansi athu, Ndi coseketsa ndi colalatitsa iwo akutizinga,

⁵Yehova, mudzakwiya nthawi zonse kufikira liti? Nidzatentha nsanje yanu ngati moto?

⁶Thirirani mkwiyo wanu pa akunja osadziwa Inu, Ndi pa maufumu osaitana pa dzina lanu.

⁷Pakuti anathera Yakobo, Napasula pokhalira iye.

⁸Musakumbukile moritsutsa mphulupulu za makolo athu; Nsoni zokoma zanu zitikumike msanga: Pakuti tafoka kwambiri.

⁹Tithandizeni Mulungu wa cipulumutso cathu, Cifukwa ca ulemerero wa dzina lanu; Ndipo tilanditseni, ndi kutifafanizira zoipa zathu, Cifukwa ca dzina lanu.

¹⁰Anenerenji amitundu, Ali kuti Mulungu wao? Kubwezera cilango ca mwazi wa atumiki anu umene anaukhetsa Kudziwike pakati pa amitundu pamaso pathu,

¹¹Kubuula kwa wandende kufike kuli Inu; Monga mwa mphamvu yanu yaikuru lolani ana a imfa atsale;

¹²Ndipo anansi athu amene anatonza Inu muwabwezere cotonza cao, Kasanu ndi kawiri kumtima kwao, Ambuye.

¹³Potero ife anthu anu ndi nkhosa za pabusa panu Tidzakuyamikani kosatha; Tidzafotokozera cilemekezo canu ku mibadwo mibadwo.