Read Buku Lopatulik Masalmo 80 Bible Online

Masalmo 80 - Buku Lopatulik bible

Masalmo 80

¹Mbusa wa Israyeli, cherani khutu; Inu wakutsogolera Yosefe ngati nkhosa; Inu wokhala pa akerubi, walitsani.

²Utsani camuna canu pamaso pa Efraimu ndi Benjamini ndi Manase, Ndipo mutidzere kutipulumutsa.

³Mutibweze, Mulungu; Nimuwalitse nkhope yanu, ndipo tidzapulumuka.

⁴Yehova, Mulungu wa makamu, Mudzakwiyira pemphero la anthu anu kufikira liti?

⁵Munawadyetsa mkate wa misozi, Ndipo munawamwetsa misozi yambiri.

⁶Mutiika kuti atilimbirane anzathu; Ndipo adani athu atiseka mwa iwo okha,

⁷Mulungu wa makamu, mutibweze; Nimuwalitse nkhope yanu, ndipo tidzapulumuka.

⁸Mudatenga mpesa kucokera ku Aigupto: Munapitikitsa amitundu ndi kuuoka uwu.

⁹Mudasoseratu pookapo, Idagwiritsa mizu yace, ndipo unadzaza dziko.

¹⁰Mthunzi wace unaphimba mapiri, Ndi nthambi zace zikunga mikungudza ya Mulungu.

¹¹Unatambalitsa mphanda zace mpaka kunyanja, Ndi mitsitsi yace kufikira ku Mtsinje.

¹²Munapasuliranii maphambo ace, Kotero kuti onse akupita m'njira acherako?

¹³Nguruwe zocokera kuthengo ziukumba, Ndi nyama za kucidikha ziudya,

¹⁴Bwererani, tikupemphani, Mulungu wa makamu; Suzumirani muli m'mwamba, nimupenye, ndi kuzonda mpesa uwu,

¹⁵Ndi tsinde limene dzanja lanu lamanja linaokae Ndi mphanda munadzilimbikitsira.

¹⁶Unapserera ndi moto, unadulidwa; Aonongeka pa kudzudzula kwa nkhope yanu.

¹⁷Dzanja lanu likhale pa munthu wa pa dzanja lamanja lanu; Pa mwana wa munthu amene munadzilimbikitsira.

¹⁸Potero sitidzabwerera m'mbuyo kukusiyani; Titsitsimutseni, ndipo tidzaitanira dzina lanu.

¹⁹Mutibweze, Yehova Mulungu wa makamu; Nimuwalitse nkhope yanu, ndipo tidzapulumuka.