Read Buku Lopatulik Masalmo 81 Bible Online

Masalmo 81 - Buku Lopatulik bible

Masalmo 81

¹Yimbitsirani Mulungu ndiye mphamvu yathu; Pfuulirani kwa Mulungu wa Yakobo.

²Utsani Salimo, bwera nakoni kalingaka, Zeze wokondwetsa pamodzi ndi cisakasa.

³Ombani lipenga, pokhala mwezi, Utakula mwezi, tsiku la phwando lathu.

⁴Pakuti ici ndi colemba ca kwa Israyeli, Ciweruzo ca Mulungu wa Yakobo.

⁵Anaciika cikhale mboni kwa Yosefe, Pakuturuka iye ku dziko la Aigupto: Komwe ndinamva cinenedwe cosadziwa ine.

⁶Ndinamcotsera katundu paphewa pace: Manja ace anamasuka kucotengera.

⁷Unaitana posautsika, ndipo ndinakulanditsa; Ndinakubvomereza mobisalika m'bingu; Ndinakuyesa ku madzi a Meriba.

⁸Tamvani, anthu anga, ndidzakucitirani mboni; Israyeli, ukadzandimvera!

⁹Kwanu kusakhale mulungu wafuma kwina; Nusagwadire mulungu wacilendo.

¹⁰Ine ndine Yehova Mulungu wako amene ndinakukweza kukucotsa ku dziko la Aigupto; Yasamitsa pakamwa pako ndipo ndidzalidzaza.

¹¹Koma anthu anga sanamvera mau anga; Ndipo Israyeli sanandibvomera.

¹²Potero ndinawaperekera kuuma mtima kwao, Ayende monga mwa uphungu wao wao.

¹³Ha! akadandimvera anthu anga, Akadayenda m'njira zanga Israyeli!

¹⁴Ndikadagonjetsa adani ao msanga, Ndikadabweza dzanja langa pa owasautsa.

¹⁵Akumuda Yehova akadamgonjera mungakhale monyenga: Koma nyengo yao ikadakhala yosatha,

¹⁶Akadawadyetsa naye tirigu wakometsetsa: Ndikadakukhutitsanso ndi uci wa m'thanthwe.