Read Buku Lopatulik Masalmo 82 Bible Online

Masalmo 82 - Buku Lopatulik bible

Masalmo 82

¹Mulungu aima mu msonkhano wa Mulungu, Aweruza pakati pa milungu.

²Mudzaweruza mosalunjika kufikira liti, Ndi kusamalira nkhope ya oipa?

³Weruzani osauka ndi amasiye; Weruzani molungama ozunzika ndi osowa.

⁴Pulumutsani osauka ndi aumphawi: Alanditseni m'dzanja la oipa,

⁵Sadziwa, ndipo sazindikira; Amayendayenda mumdima; Maziko onse a dziko lapansi agwedezeka.

⁶Ndinati Ine, Inu ndinu milungu, Ndi ana a Wam'mwambamwamba nonsenu.

⁷Komatu mudzafa monga anthu, Ndipo mudzagwa monga wina wa akulu.

⁸Ukani, Mulungu, weruzani dziko lapansi; Pakuti Inu mudzalandira amitundu onse.