Read Buku Lopatulik Masalmo 83 Bible Online

Masalmo 83 - Buku Lopatulik bible

Masalmo 83

¹Mulungu musakhale cete; Musakhale du, osanena kanthu, Mulungu.

²Pakuti taonani, adani anu aphokosera: Ndipo okwiyira Inu aweramutsa mutu,

³Apangana mocenjerera pa anthu anu, Nakhalira upo pa obisika anu.

⁴Amati, Tiyeni tiwaononge asakhalenso mtundu wa anthu; Ndipo dzina la Israyeli lisakumbukikenso.

⁵Pakuti anakhalira upo ndi mtima umodzi; Anacita cipangano ca pa Inu:

⁶Mahema a Edomu ndi a Aismayeli; Moabu ndi Ahagara;

⁷Gebala ndi Amoni ndi Amaleki; Filistiya, pamodzi ndi iwo okhala m'Turo.

⁸Asuri anaphatikana nao; Anakhala dzanja la ana a Loti,

⁹Muwacitire monga munacitira Midyani; Ndi Sisera, ndi Jabini ku mtsinje wa Kisoni:

¹⁰Amene anaonongeka ku Endoro; Anakhala ngati ndowe ya kumunda.

¹¹Muwaike akulu ao ngati Orebu ndi Zeebu; Mafumu ao ngati Zeba ndi Zalimuna:

¹²Amene anati, Tilande Malo okhalamo Mulungu, akhale athu.

¹³Mulungu wanga, muwaike akhale ngati mungu; Ngati ziputu zomka ndi mphepo.

¹⁴Monga moto upsereza nkhalango, Ndi monga lawi liyatsa mapiri;

¹⁵Momwemo muwatsate ndi namondwe, Nimuwaopse ndi kabvumvulu wanu.

¹⁶Acititseni manyazi pankhope pao; Kuti afune dzina lanu, Yehova.

¹⁷Acite manyazi, naopsedwe kosatha; Ndipo asokonezeke, naonongeke:

¹⁸Kuti adziwe kuti inu nokha, dzina lanu ndinu Yehova, Ndinu Wam'mwambamwamba pa dziko lonse lapansi.