Read Buku Lopatulik Masalmo 85 Bible Online

Masalmo 85 - Buku Lopatulik bible

Masalmo 85

¹Munacita zobvomereza dziko lanu, Yehova; Munabweza ukapolo wa Yakobo.

²Munacotsa mphulupulu ya anthu anu, Munafotsera zolakwa zao zonse.

³Munabweza kuzaza kwanu konse; Munabwerera ku mkwiyo wanu wotentha.

⁴Mutibweze, Mulungu wa cipulumutso cathu, Nimuletse udani wanu wa pa ife.

⁵Kodi mudzatikwiyira nthawi zonse? Kodi mudzakhala cikwiyire mibadwo mibadwo?

⁶Kodi simudzatipatsanso moyo, Kuti anthu anu akondwerere ndi Inu?

⁷Tionetseni cifundo canu, Yehova, Tipatseni cipulumutso canu.

⁸Ndidzamva colankhula Mulungu Yehova; Pakuti adzalankhula zamtendere ndi anthu ace, ndi okondedwa ace; Koma asabwererenso kucita zapusa.

⁹Indedi cipulumutso cace ciri pafupi ndi iwo akumuopa Iye; Kuti m'dziko mwathu mukhale ulemu.

¹⁰Cifundo ndi coonadi zakomanizana; Cilungamo ndi mtendere zapsompsonana,

¹¹Coonadi ciphukira m'dziko; Ndi cilungamo casuzumira ciri m'mwamba.

¹²Inde Yehova adzapereka zokoma; Ndipo dziko lathu lidzapereka zipatso zace.

¹³Cilungamo cidzamtsogolera; Nicidzamkonzera mapazi ace njira.