Read Buku Lopatulik Masalmo 88 Bible Online

Masalmo 88 - Buku Lopatulik bible

Masalmo 88

¹Yehova, Mulungu wa cipulumutso canga, Ndinapfuula pamaso panu usana ndi usiku,

²Pemphero langa lidze pamaso panu; Mundicherere khutu kukuwa kwanga:

³Pakuti mzimu wanga wadzala nao mabvuto, Ndi moyo wanga wayandikira kumanda.

⁴Anandiwerenga pamodzi nao otsikira kudzenje; Ndakhala ngati munthu wopanda mphamvu:

⁵Wotayika pakati pa akufa, Ngati ophedwa akugona m'manda, Amene simuwakumbukilanso; Ndipo anawadula kusiyana ndi dzanja lanu.

⁶Munandiika kunsi kwa dzenje, Kuti mdima, kozama.

⁷Mkwiyo wanu utsamira pa ine, Ndipo munandizunza ine ndi mafunde anu onse.

⁸Munandisiyanitsira wodziwana nane kutali; Munandiika ndiwakhalire conyansa: Ananditsekereza osakhoza kuturuka ine.

⁹Diso langa lapuwala cifukwa ca kuzunzika kwanga: Ndimaitana Inu, Yehova, tsiku lonse; Nditambalitsira manja anga kwa Inu.

¹⁰Kodi mudzacitira akufa zodabwiza? Kodi adzaukanso otisiyawo, ndi kukulemekezani?

¹¹Adzafotokozera cifundo canu kumanda kodi, Cikhulupiriko canu ku malo a cionongeko?

¹²Zodabwiza zanu zidzadziwika mumdima kodi, Ndi cilungamo canu m'dziko la ciiwaliko?

¹³Koma ndinapfuulira kwa Inu, Yehova, Ndipo pemphero langa likumika Inu mamawa.

¹⁴Yehova mutayiranji moyo wanga? Ndi kundibisira nkhope yanu?

¹⁵Wozunzika ine ndi wofuna kufa kuyambira ubwana wanga; Posenza zoopsa zanu, ndithedwa nzeru.

¹⁶Kuzaza kwanu kwandimiza; Zoopsa zanu zinandiononga,

¹⁷Zinandizungulira ngati madzi tsiku lonse; Zinandizinga pamodzi.

¹⁸Munandicotsera kutali wondikonda ndi bwenzi langa, Odziwana nane akhala kumdima.