Read Buku Lopatulik Masalmo 9 Bible Online

Masalmo 9 - Buku Lopatulik bible

Masalmo 9

¹Ndidzayamika Yehova ndi mtima wanga wonse; Ndidzawerengera zodabwiza zanu zonse.

²Ndidzakondwerera ndi kusekera mwa Inu; Ndidzayimbira dzina lanu, Wam'mwambamwamba Inu.

³Pobwerera m'mbuyo adani anga, Akhumudwa naonongeka pankhope panu,

⁴Pakuti mwandiweruzira mlandu wanga; Mwakhala pa mpando wacifumu, Woweruza wolungama.

⁵Mwadzudzula amitundu, mwaononga woipayo, Mwafafaniza dzina lao ku nthawi Yomka muyaya.

⁶Adaniwo atha psiti, apululuka nthawi zonse; Ndipo midziyo mwaipasula, Cikumbukilo cao pamodzi catha.

⁷Koma Yehova akhala cikhalire: Anakonzeratu mpando wacifumu wace kuti aweruze.

⁸Ndipo Iyeyu adzaweruza dziko lapansi m'cilungamo, Nadzaweruza anthu molunjika.

⁹Ndipo Yehova adzakhala msanje kwa iye wokhalira mphanthi. Msanje m'nyengo za nsautso;

¹⁰Ndipo iwo akudziwa dzina lanu adzakhulupirira Inu; Pakuti, Inu Yehova, simunawasiya iwo akufuna Inu.

¹¹Yimbirani zoyamika Yehova, wokhala ku Ziyoni; Lalikirani mwa anthu nchito zace.

¹²Pakuti Iye wofuna camwazi awakumbukila; Saiwala kulira kwa ozunzika.

¹³Ndicitireni cifundo, Yehova; Penyani kuzunzika kwanga kumene andicitira ondidawo, Inu wondinyamula kundicotsa ku zipata za imfa;

¹⁴Kuti ndibukitse lemekezo lanu lonse; Pa bwalo la mwana wamkazi wa Ziyoni, Ndidzakondwera naco cipulumutso canu.

¹⁵Amitundu anagwa m'mbuna imene anaikumba: Lakodwa phazi lao muukonde anaucha.

¹⁶Anadziwika Yehova, anacita kuweruza: Woipayo anakodwa ndi nchito ya manja ace.

¹⁷Oipawo adzabwerera kumanda, Inde amitundu onse akuiwala Mulungu.

¹⁸Pakuti sadzaiwalika nthawi zonse waumphawi, Kapena ciyembekezo ca ozunzika sicidzaonongeka kosatha.

¹⁹Ukani, Yehova, asalimbike munthu; Amitundu aweruzidwe pankhope panu.

²⁰Muwacititse mantha, Yehova; Adziwe amitundu kuti ali anthu.