Read Buku Lopatulik Masalmo 91 Bible Online

Masalmo 91 - Buku Lopatulik bible

Masalmo 91

¹Iye amene akhala pansi m'ngaka yace ya Wam'mwambamwamba Adzagonera mu mthunzi wa Wamphamvuyonse.

²Ndidzati kwa Yehova, Pothawirapo panga ndi linga langa; Mulungu wanga, amene ndimkhulupirira,

³Pakuti adzakuonjola ku msampha wa msodzi, Ku mliri wosakaza.

⁴Adzakufungatira ndi nthenga zace, Ndipo udzathawira kunsi kwa mapiko ace; Coonadi cace ndico cikopa cocinjiriza.

⁵Sudzaopa coopsa ca usiku, Kapena mubvi wopita usana;

⁶Kapena mliri woyenda mumdima, Kapena cionongeko cakuthera usana.

⁷Pambali pako padzagwa cikwi, Ndi zikwi khumi pa dzanja lamanja lako; Sicidzakuyandikiza iwe.

⁸Koma udzapenya ndi maso ako, Nudzaona kubwezera cilango oipa.

⁹Popeza udati, Inu Yehova, ndinu pothawirapo panga Udaika Wam'mwambamwamba cokhalamo cako;

¹⁰Palibe coipa cidzakugwera, Ndipo colanga sicidzayandikiza hema wako.

¹¹Pakuti adzalamulira angelo ace za iwe, Akusunge m'njira zako zonse.

¹²Adzakunyamula pa manja ao, Ungagunde phazi lako pamwala.

¹³Udzaponda mkango ndi mphiri; Udzapondereza msona wa mkango ndi cinjoka:

¹⁴Popeza andikondadi ndidzampulumutsa; Ndidzamkweza m'mwamba, papeza adziwa dzina langa.

¹⁵Adzandipfuulira Ine ndipo ndidzamyankha; Kunsautso ndidzakhala naye pamodzi; Ndidzamlanditsa, ndi kumcitira ulemu.

¹⁶Ndidzamkhutitsa ndi masiku ambiri, Ndi kumuonetsera cipulumutso canga,