Read Buku Lopatulik Masalmo 94 Bible Online

Masalmo 94 - Buku Lopatulik bible

Masalmo 94

¹Mulungu wakubwezera cilango, Yehova, Mulungu wakubwezera cilango, muoneke wowala.

²Nyamukani, Inu woweruza wa dziko lapansi: Bwezerani odzikuza coyenera iwo.

³Oipa adzatumpha ndi cimwemwe kufikira liti, Yehova? Oipa adzatero kufikira liti?

⁴Anena mau, alankhula zawawa; Adzitamandira onse ocita zopanda pace.

⁵Aphwanya anthu anu, Yehova, Nazunza colandira canu.

⁶Amapha wamasiye ndi mlendo, Nawapha ana amasiye.

⁷Ndipo amati, Yehova sacipenya, Ndi Mulungu wa Yakobo sacisamalira.

⁸Zindikirani, opulukira inu mwa anthu; Ndipo opusa inu, mudzacita mwanzeru liti?

⁹Kodi Iye wakupanga khutu ngwosamva? Kodi Iye wakuumba diso ngwosapenya?

¹⁰Kodi Iye wakulangiza mitundu ya anthu, ndiye wosadzudzula? Si ndiye amene aphunzitsa munthu nzeru?

¹¹Yehova adziwa zolingalira za munthu, Kuti ziri zacabe.

¹²Wodala munthu amene mumlanga, Yehova; Ndi kumphunzitsa m'cilamulo canu;

¹³Kuti mumpumitse masiku oipa; Kufikira atakumbira woipa mbuna.

¹⁴Pakuti Yehova sadzasiya anthu ace, Ndipo sadzataya colandira cace.

¹⁵Pakuti ciweruzo cidzabwera kumka kucilungamo: Ndipo oongoka mtima onse adzacitsata.

¹⁶Adzandiukira ndani kutsutsana nao ocita zoipa? Adzandilimbikira ndani kutsutsana nao ocita zopanda pace?

¹⁷Akadapanda kukhala thandizo langa Yehova, Moyo wanga ukadakhala kuli cete.

¹⁸Pamene ndinati, Litereka phazi langa, Cifundo canu, Mulungu, cinandicirikiza.

¹⁹Pondicurukira zolingalira zanga m'kati mwanga, Zotonthoza zanu zikondweretsa moyo wanga.

²⁰Kodi uyenera kuyanjana ndi Inu mpando wacifumu wa kusakaza, Wakupanga cobvuta cikhale lamulo?

²¹Asonkhana pamodzi pa moyo wa wolungama, Namtsutsa wa mwazi wosacimwa.

²²Koma Yehova wakhala msanje wanga; Ndi Mulungu wanga thanthwe lothawirapo ine.

²³Ndipo anawabwezera zopanda pace zao, Nadzawaononga m'coipa cao; Yehova Mulungu wathu adzawaononga.