Read Buku Lopatulik Masalmo 95 Bible Online

Masalmo 95 - Buku Lopatulik bible

Masalmo 95

¹Tiyeni tiyimbire Yehova mokondwera; Tipfuule kwa thanthwe la cipulumutso cathu.

²Tidze naco ciyamiko pamaso pace, Timpfuulire Iye mokondwera ndi masalmo.

³Pakuti Yehova ndiye Mulungu wamkuru; Ndi mfumu yaikuru yoposa milungu yonse.

⁴Malo ozama a dziko lapansi ali m'dzanja lace; Cuma ca m'mapiri comwe ndi cace.

⁵Nyanja ndi yace, anailenga; Ndipo manja ace anaumba dziko louma.

⁶Tiyeni, tipembedze tiwerame; Tigwade pamaso pa Yehova, amene anatilenga:

⁷Pakuti Iye ndiye Mulungu wathu, Ndipo ife ndife anthu a pabusa pace, ndi nkhosa za m'dzanja mwace. Lero, mukamva mau acel

⁸Musaumitse mitima yanu, ngati ku Meriba, Ngati tsiku la ku Masa m'cipululu;

⁹Pamene makolo anu anandisuntha, Anandiyesa, anapenyanso cocita Ine.

¹⁰Zaka makumi anai mbadwo uwu unandimvetsa cisoni, Ndipo ndinati, Iwo ndiwo anthu osokerera mtima, Ndipo sadziwa njira zanga.

¹¹Cifukwa cace ndinalumbira mu mkwiyo wanga, Ngati adzalowa mpumulo wanga.