Read Buku Lopatulik Masalmo 98 Bible Online

Masalmo 98 - Buku Lopatulik bible

Masalmo 98

¹Myimbireni Yehova nyimbo yatsopano; Popeza anacita zodabwiza: Dzanja lace lamanja, mkono wace woyera, zinamcitira cipulumutso,

²Yehova anawadziwitsira cipulumutso cace; Anaonetsera cilungamo cace pamaso pa amitundu.

³Anakumbukila cifundo cace ndi cikhulupiriko cace ku nyumba ya Israyeli; Malekezero onse a dziko lapansi anaona cipulumutso ca Mulungu wathu.

⁴Pfuulirani kwa Yehova, inu, dziko lonse lapansi; Kuwitsani ndi kupfuulira mokondwera; inde, yimbirani zomlemekeza.

⁵Myimbireni Yehova zomlemekeza ndizeze; Ndi zeze ndi mau a salmo.

⁶Pfuulani pamaso pa Mfumu Yehova, Ndi mbetete ndi liu la lipenga,

⁷Nyanja Ipfuule ndi kudzala kwace; Dziko lokhalamo anthu ndi iwo okhalamo;

⁸Mitsinje iombe manja; Mapiri apfuule pamodzi mokondwera;

⁹Pamaso pa Yehova, popeza akudza kudzaweruza dziko lapansi; Adzaweruza dziko lokhalamo anthu ndi cilungamo, Ndi mitundu ya anthu molunjika,