Read Buku Lopatulik Miyambi 11 Bible Online

Miyambi 11 - Buku Lopatulik bible

Miyambi 11

¹Muyeso wonyenga unyansa Yehova; Koma mulingo wamphumphu umsekeretsa.

²Pakudza kudzikuza padzanso manyazi; Koma nzeru iri ndi odzicepetsa,

³Kuongoka mtima kwa olungama kuwatsogolera; Koma kukhota kwa aciwembu kudzawaononga.

⁴Cuma sicithandiza tsiku la mkwiyo; Koma cilungamo cipulumutsa kuimfa.

⁵Cilungamo ca wangwiro cimaongola njira yace; Koma woipa adzagwa ndi zoipa zace.

⁶Cilungamo ca oongoka mtima cidzawapulumutsa; Koma aciwembu adzagwidwa ndi mphulupulu yao.

⁷Pomwalira woipa cidikiro cace cionongeka; Ciyembekezo ca ucimo cionongeka.

⁸Wolungama apulumuka kubvuto; Woipa nalowa m'malo mwace.

⁹Wonyoza Mulungu aononga mnzace ndi m'kamwa mwace; Koma olungama adzapulumuka pakudziwa,

¹⁰Olungama akapeza bwino, mudzi usekera; Nupfuula pakuonongeka oipa.

¹¹Madalitso a olungama akuza mudzi; Koma m'kamwa mwa oipa muupasula.

¹²Wopeputsa mnzace asowa nzeru; Koma wozindikira amatonthola.

¹³Kazitape woyendayenda amawanditsa zinsinsi; Koma wokhulupirika mtima abisa mau.

¹⁴Popanda upo wanzeru anthu amagwa; Koma pocuruka aphungu pali cipulumutso.

¹⁵Woperekera mlendo cikole adzaphwetekwapo; Koma wakuda cikole akhala ndi mtendere.

¹⁶Mkazi wodekha agwiritsa ulemu; Aukali nagwiritsa cuma.

¹⁷Wacifundo acitira moyo wace zokoma; Koma wankhanza abvuta nyama yace.

¹⁸Woipa alandira malipiro onyenga; Koma wofesa cilungamo aonadi mphotho,

¹⁹Wolimbikira cilungamo alandira moyo; Koma wolondola zoipa adzipha yekha,

²⁰Okhota mtima anyansa Yehova; Koma angwiro m'njira zao amsekeretsa.

²¹Zoonadi, wocimwa sadzapulumuka cilango; Koma mbeu ya olungama idzalanditsidwa.

²²Monga cipini cagolidi m'mphuno ya nkhumba, Momwemo mkazi wokongola wosasinkhasinkha bwino.

²³Cifuniro ca olungama cifikitsa zabwino zokha; Koma ciyembekezo ca oipa mkwiyo.

²⁴Alipo wogawira, nangolemerabe; Aliponso womana comwe ayenera kupatsa nangosauka.

²⁵Mtima wa mataya udzalemera; Wothirira madzi nayenso adzathiriridwa.

²⁶Womana tirigu anthu amtemberera; Koma madalitso adzakhala pamtu pa wogulitsa.

²⁷Wopwaira ubwino afunitsa cikondwerero; Koma zoipa zidzamfikira wozilondola.

²⁸Wokhulupmra cuma cace adzagwa; Koma olungama adzaphuka ngati tsamba.

²⁹Wobvuta banja lace adzalowa m'zomsautsa; Wopusa adzatumikira wanzeru.

³⁰Cipatso ca wolungama ndi mtengo wa moyo; Ndipo wokola mtima ali wanzeru.

³¹Taonani, wolungama adzalandira mphotho kunja kuno; Koposa kotani woipa ndi wocimwa?