Read Buku Lopatulik Miyambi 12 Bible Online

Miyambi 12 - Buku Lopatulik bible

Miyambi 12

¹Wokonda mwambo akonda kudziwa; Koma wakuda cidzudzulo apulukira.

²Yehova akomera mtima munthu wabwino; Koma munthu wa ziwembu amtsutsa,

³Munthu sadzakhazikika ndi udio, Muzu wa olungama sudzasunthidwa.

⁴Mkazi wodekha ndiye korona wa mwamuna wace; Koma wocititsa manyazi akunga cobvunditsa mafupa a mwamunayo.

⁵Maganizo a olungama ndi ciweruzo; Koma uphungu wa oipa unyenga.

⁶Mau a oipa abisalira mwazi; Koma m'kamwa mwa olungama muwalanditsa.

⁷Oipa amagwa kuli zi; Koma banja la olungama limaimabe.

⁸Munthu amatamandidwa monga mwa nzeru yace; Koma wokhota mtima adzanyozedwa.

⁹Wonyozedwa, amene ali ndi kapolo, Aposa wodzikuza, amene asowa zakudya.

¹⁰Wolungama asamalira moyo wa coweta cace; Koma cifundo ca oipa ndi nkhanza.

¹¹Zakudyazikwanira wolima minda yace; Koma wotsata anthu opanda pace asowa nzeru.

¹²Woipa akhumba cokodwa ndi amphulupulu; Koma muzu wa olungama umabala zipatso.

¹³M'kulakwa kwa milomo muli msampha woipa; Koma wolungama amaturuka m'mabvuto.

¹⁴Munthu amakhuta zabwino ndi zipatso za m'kamwa mwace; Zocita za manja ace zidzabwezedwa kwa iye.

¹⁵Njira ya citsiru nlolungama pamaso pace pace; Koma wanzeru amamvera uphungu.

¹⁶Mkwiyo wa citsiru udziwika posacedwa; Koma wanzeru amabisa manyazi.

¹⁷Wolankhula ntheradi aonetsa cilungamo; Koma mboni yonama imanyenga.

¹⁸Alipo wonena mwansontho ngati kupyoza kwa lupanga; Koma lilime la anzeru lilamitsa.

¹⁹Mlomo wa ntheradi ukhazikika nthawi zonse; Koma lilime lonama likhala kamphindi.

²⁰Cinyengo ciri m'mitima ya oganizira zoipa; Koma aphungu a mtendere amakondwa.

²¹Palibe bvuto lidzagwera wolungama; Koma amphulupulu adzadzazidwa ndi zoipa,

²²Milomo yonama inyansa Yehova; Koma ocita ntheradi amsekeretsa.

²³Munthu wanzeru abisa zomwe adziwa; Koma mtima wa opusa ulalikira utsiru.

²⁴Dzanja la akhama lidzalamulira; Koma wolesi adzakhala ngati kapolo,

²⁵Nkhawa iweramitsa mtima wa munthu; Koma mau abwino aukondweretsa.

²⁶Wolungama atsogolera mnzace; Koma njira ya oipa iwasokeretsa.

²⁷Wolesi samaocha nyama yace anaigwira; Koma wolungama amalandira cuma copambana ca anthu.

²⁸M'khwalala la cilungamo muli moyo; M'njira ya mayendedwe ace mulibe imfa.