Read Buku Lopatulik Miyambi 13 Bible Online

Miyambi 13 - Buku Lopatulik bible

Miyambi 13

¹Mwana wanzeru amamvera mwambo wa atate; Koma wonyoza samvera cidzudzulo.

²Munthu adzadya zabwino ndi zipatso za m'kamwa mwace; Koma moyo wa aciwembu udzadya ciwawa.

³Wogwira pakamwa pace asunga moyo wace; Koma woyasamula milomo yace adzaonongeka.

⁴Moyo wa wolesi ukhumba osalandira kanthu; Koma moyo wa akhama udzalemera.

⁵Wolungama ada mau onama; Koma woipa anyansa, nadzicititsa manyazi,

⁶Cilungamo cicinjiriza woongoka m'njira; Koma udio ugwetsa wocimwa.

⁷Alipo wodziyesa wolemera, koma alibe kanthu; Alipo wodziyesa wosauka, koma ali ndi cuma cambiri.

⁸Ciombolo ca moyo wa munthu ndico cuma cace; Koma wosauka samva cidzudzulo.

⁹Kuunika kwa olungama kukondwa; Koma nyali ya oipa idzazima.

¹⁰Kudzikuza kupikisanitsa; Koma omwe anauzidwa uphungu ali ndi nzeru.

¹¹Cuma colandiridwa mokangaza cidzacepa; Koma wokundika ndi dzanja adzaona zocuruka.

¹²Ciyembekezo cozengereza cidwalitsa mtima; Koma pakufika cifuniroco ndico mtengo wa moyo.

¹³Wonyoza mau adziononga yekha; Koma woopa malangizo adzalandira mphotho.

¹⁴Malamulo a wanzeru ndiwo kasupe wa moyo, Apatutsa ku misampha ya imfa.

¹⁵Nzeru yabwino ipatsa cisomo; Koma njira ya aciwembu iri makolokoto.

¹⁶Yense wocenjera amacita mwanzeru: Koma wopusa aonetsa utsiru.

¹⁷Mthenga wolakwa umagwa m'zoipa; Koma mtumiki wokhulupirika alamitsa.

¹⁸Wokana mwambo adzasauka nanyozedwa; Koma wolabadira cidzudzulo adzalemekezedwa.

¹⁹Cifuniro cikondweretsa moyo citacitidwa; Koma kusiya zoipa kunyansa opusa,

²⁰Ukayenda ndi anzeru udzakhala wanzeru: Koma mnzao wa opusa adzaphwetekedwa.

²¹Zoipa zilondola ocimwa; Koma olungama adzalandira mphotho yabwino.

²²Wabwino asiyira zidzukulu zace colowa cabwino; Koma wocimwa angosungira wolungama cuma cace.

²³M'kulima kwa osauka muli zakudya zambiri; Koma zinazo zimaonongeka posowa ciweruzo.

²⁴Wolekereramwanace osammenya amuda; Koma womkonda amyambize kumlanga.

²⁵Wolungama adya nakhutitsa moyo wace; Koma mimba ya oipa idzasowa.