Read Buku Lopatulik Miyambi 16 Bible Online

Miyambi 16 - Buku Lopatulik bible

Miyambi 16

¹Malongosoledwe a mtima nga munthu; Koma mayankhidwe a lilime acokera kwa Yehova.

²Njira zonse za munthu ziyera pamaso pace; Koma Yehova ayesa mizimu.

³Pereka zocita zako kwa Yehova, Ndipo zolingalira zako zidzakhazikika.

⁴Zonse Yehova anazipangaziri ndi zifukwa zao; Ngakhale amphulupulu kuti aone tsiku loipa,

⁵Yense wonyada mtima anyansa Yehova; Zoonadi sadzapulumuka cilango.

⁶Mphulupulu iomboledwa ndi cifundo ndi ntheradi; Apatuka pa zoipa poopa Yehova.

⁷Njira za munthu zikakonda Yehova, Ayanjanitsana naye ngakhale adani ace.

⁸Zapang'ono, pokhala cilungamo, Ziposa phindu lalikuru lopanda ciweruzo.

⁹Mtima wa munthu ulingalira njira yace; Koma Yehova ayendetsa mapazi ace.

¹⁰Mau a mlauli ali m'milomo ya mfumu; M'kamwa mwace simudzacita cetera poweruza.

¹¹Mwini muyeso ndi mulingo wolungama ndiye Yehova; Ndiyenso anapanga miyala yonse yoyesera ya m'thumba.

¹²Kucita mphulupulu kunyansa mafumu; Pakuti mpando wao wakhazikika ndi cilungamo.

¹³Milomo yolungama ikondweretsa mafumu; Wonena zoongoka amkonda.

¹⁴Mkwiyo wa mfumu ndi mithenga ya imfa; Wanzeru adzaukhulula.

¹⁵M'kuunika kwa nkhope ya mfumu muli moyo; Kukoma mtima kwace kunga mtambo wa mvula ya masika.

¹⁶Kodi kulandira nzeru sikupambana ndi golidi, Kulandira luntha ndi kusankhika koposa siliva?

¹⁷Khwalala la oongoka mtima ndilo lakuti asiye zoipa; Wosunga njira yace acinjiriza moyo wace.

¹⁸Kunyada kutsogolera kuonongeka Mtinia wodzikuza ndi kutsogolera kupunthwa.

¹⁹Kufatsa mtima ndi osauka Kuposa kugawana zofunkha ndi onyada.

²⁰Wolabadira mau adzapeza bwino; Ndipo wokhulupirira Yehova adala.

²¹Wanzeru mtima adzachedwa wocenjera; Ndipo kukoma kwa milomo kuyenjezera kuphunzira.

²²Nzeru ndi kasupe wa moyo kwa mwini wace; Koma mwambo wa zitsiru ndi utsiru.

²³Mtima wa wanzeru ucenjeza m'kamwa mwace, Nuphunzitsanso milomo yace.

²⁴Mau okoma ndiwo cisa ca uci, Otsekemera m'moyo ndi olamitsa mafupa.

²⁵Iripo njira yooneka kwa mwamuna ngati yoongoka, Koma matsiriziro ace ndi njira za imfa.

²⁶Wanchito adzigwirira yekha nchito; Pakuti m'kamwa mwace mumfulumiza.

²⁷Munthu wopanda pace akonzeratu zoipa; Ndipo m'milomo mwace muli moto wopsereza.

²⁸Munthu wokhota amautsa makani; Kazitape afetsa ubwenzi.

²⁹Munthu waciwawa akopa mnzace, Namuyendetsa m'njira yosakhala bwino.

³⁰Wotsinzina ndiye aganizira zakhota; Wosunama afikitsa zoipa.

³¹Imvi ndiyo korona wa ulemu, Idzapezedwa m'njira ya cilungamo.

³²Wosakwiya msanga aposa wamphamvu; Wolamulira mtima wace naposa wolanda mudzi.

³³Maere aponyedwa pamfunga; Koma ndiye Yehova alongosola zonse.