Read Buku Lopatulik Miyambi 17 Bible Online

Miyambi 17 - Buku Lopatulik bible

Miyambi 17

¹Nyenyeswa youma, pokhala mtendere, Iposa nyumba yodzala nyama yansembe, pali makangano.

²Kapolo wocitamwanzeru Adzalamulira mwana wocititsa manyazi, Nadzagawana nao abale colowa.

³Siliva ali ndi mbiya yosungunulira, golidi ali ndi ng'anjo; Koma Yehova ayesa mitima.

⁴Wocimwa amasamalira milomo yolakwa; Wonama amvera lilime losakaza.

⁵Wocitira ciphwete aumphawi atonza Mlengi; Wokondwera ndi tsoka sadzapulumuka cilango.

⁶Zidzukulu ndizo korona wa okalamba; Ndipo ulemerero wa ana ndiwo atate ao.

⁷Mlomo wangwiro suyenera citsiru; Ngakhale mlomo wonama suyenera kalonga ndi pang'ono ponse.

⁸Wolandira cokometsera mlandu aciyesa ngale; Pali ponse popita iye acenjera.

⁹Wobisa colakwa afunitsa cikondano; Koma wobwereza-bwereza mau afetsa ubwenzi.

¹⁰Cidzudzulo cilowa m'kati mwa wozindikira, Kopambana ndi kukwapula wopusa kwambiri.

¹¹Woipa amafuna kupanduka kokha; Koma adzamtumizira mthenga wankhanza.

¹²Kukomana ndi citsiru m'kupusa kwace Kuopsya koposa cirombo cocicotsera anace.

¹³Wobwezera zabwino zoipa, Zoipa sizidzamcokera kwao.

¹⁴Ciyambi ca ndeu cifanana ndi kutsegulira madzi; Tsono kupikisana kusanayambe tasiya makani.

¹⁵Wokometsa mlandu wa wamphulupulu, ndi wotsutsa wolungama, Onse awiriwa amnyansa Yehova.

¹⁶Kodi bwanji mtengo wogulira nzeru uli m'dzanja la citsiru, Popeza wopusa alibe mtima?

¹⁷Bwenzi limakonda nthawi zonse; Ndipo mbale anabadwira kuti akuthandize pooneka tsoka.

¹⁸Munthu wosowa nzeru apangana kulipirira wina, Napereka cikole pamaso pa mnzace.

¹⁹Wokonda ndeu akonda kulakwa; Ndipo wotarikitsa khomo lace afunafuna kuonongeka.

²⁰Wokhota mtima sadzapeza bwino Ndipo mwini lilime lokhota adzagwa m'zoipa.

²¹Wobala citsiru adzicititsa cisoni; Ndipo atate wa wopusa sakondwa.

²²Mtima wosekerera uciritsa bwino Koma mzimu wosweka uphwetsa mafupa,

²³Munthu woipa alandira cokometsera mlandu coturutsa m'mfunga, Kuti apambukitse mayendedwe a ciweruzo.

²⁴Nzeru iri pamaso pa wozindikira; Koma maso a wopusa ali m'malekezero a dziko.

²⁵Mwana wopusa acititsa atate wace cisoni, Namvetsa zowawa amace wombala.

²⁶Kulipiritsa wolungama sikuli kwabwino, Ngakhale kukwapula akuru cifukwa aongoka mtima.

²⁷Wopanda cikamwakamwa apambana kudziwa; Ndipo wofatsa mtima ali wanzeru.

²⁸Ngakhalecitsirucikatontholaaciyesa canzeru; Posunama ali wocenjera.