Read Buku Lopatulik Miyambi 2 Bible Online

Miyambi 2 - Buku Lopatulik bible

Miyambi 2

¹Mwananga, ukalandira mau anga, Ndi kusunga malamulo anga;

²Kucherera makutu ako kunzeru, Kulozetsa mtima wako kukuzindikira;

³Ukaitananso luntha, Ndi kupfuulira kuti ukazindikire;

⁴Ukaifunafuna ngati siliva, Ndi kuipwaira ngati cuma cobisika;

⁵Pompo udzazindikira kuopa Yehova Ndi kumdziwadi Mulungu.

⁶Pakuti Yehova apatsa nzeru; Kudziwa ndi kuzindikira kuturuka m'kamwa mwace;

⁷Iye asungira oongoka mtima nzeru yeniyeni; Ndiye cikopa ca oyenda molunjika;

⁸Kuti acinjirize njira za ciweruzo, Nadikire khwalala la opatulidwa ace.

⁹Pamenepo udzazindikira cilungamo ndi ciweruzo, Zolunjika ndi mayendedwe onse abwino.

¹⁰Pakuti nzeru idzalowa m'mtima mwako, Moyo wako udzakondwera ndi kudziwa,

¹¹Kulingalira kudzakudikira, Kuzindikira kudzakucinjiriza;

¹²Kukupulumutsa ku njira yoipa, Kwa anthu onena zokhota;

¹³Akusiya mayendedwe olungama, Akayende m'njira za mdima;

¹⁴Omwe asangalala pocita zoipa, Nakondwera ndi zokhota zoipa;

¹⁵Amene apotoza njira zao, Nakhotetsa mayendedwe ao;

¹⁶Nzeru idzakupulumutsa kwa mkazi waciwerewere, Kwa mkazi wacilendo wosyasyalika ndi mau ace;

¹⁷Wosiya bwenzi la ubwana wace, Naiwala cipangano ca Mulungu wace;

¹⁸Nyumba yace itsikira kuimfa, Ndi mayendedwe ace kwa akufa;

¹⁹Onse akunka kwa iye sabweranso, Safika ku njira za moyo;

²⁰Nzeru idzakuyendetsa m'njira ya anthu abwino, Kuti usunge mayendedwe a olungama.

²¹Pakuti oongoka mtima adzakhala m'dziko, Angwiro nadzatsalamo.

²²Koma oipa adzalikhidwa m'dziko, Aciwembu adzazulidwamo.