Read Buku Lopatulik Miyambi 20 Bible Online

Miyambi 20 - Buku Lopatulik bible

Miyambi 20

¹Vinyo acita ciphwete, cakumwa caukali cisokosa; Wosocera nazo alibe nzeru.

²Kuopsya kwa mfumu ndiko kubangula kwa mkango; Womputa acimwira moyo wace wace.

³Kuli ulemu kwa mwamuna kupewa ndeu; Koma zitsiru zonse zimangokangana,

⁴Wolesi salima cifukwa ca cisanu; Adzapemphapempha m'masika osalandira kanthu.

⁵Uphungu wa m'mtima mwa munthu ndiwo madzi akuya; Koma munthu wozindikira adzatungapo,

⁶Anthu ambiri abukitsa yense kukoma mtima kwace; Koma ndani angapeze munthu wokhulupirika?

⁷Wolungama woyenda mwangwiro, Anace adala pambuyo pace.

⁸Mfumu yokhala pa mpando waweruzira Ipitikitsa zoipa zonse ndi maso ace.

⁹Ndani anganene, Ndasambitsa mtima wanga, Ndayera opanda cimo?

¹⁰Miyeso yosiyana, ndi malicero osiyana, Zonse ziwirizi zinyansa Yehova.

¹¹Ngakhale mwana adziwika ndi nchito zace; Ngati nchito yace iri yoyera ngakhale yolungama.

¹²Khutu lakumva, ndi diso lopenya, Yehova anapanga onse awiriwo.

¹³Usakonde tulo ungasauke; Phenyula maso, udzakhuta zakudya.

¹⁴Wogula ati, Cacabe cimeneco. Koma atacoka adzitama.

¹⁵Alipo golidi ndi ngale zambiri; Koma milomo yodziwa ndiyo cokometsera ca mtengo wapatari.

¹⁶Tenga maraya a woperekera mlendo cikole; Woperekera mkazi wacilendo cikole umgwire mwini.

¹⁷Zakudya za cinyengo zikondweretsa munthu; Koma pambuyo pace m'kamwa mwace mudzadzala tinsangalabwi.

¹⁸Uphungu utsimikiza zolingalira, Ponya nkhondo utapanga upo.

¹⁹Kazitape woyendayenda awanditsa zinsinsi; Usadudukire woyasama milomo yace.

²⁰Wotemberera atate wace ndi, amace, Nyali yace idzazima mu mdima woti bi.

²¹Colowa cingalandiridwe msanga msanga poyamba pace; Koma citsiriziro cace sicidzadala.

²²Usanene, Ndidzabwezera zoipa; Yembekeza Yehova, adzakupulumutsa.

²³Miyeso yosiyana inyansa Yehova, Ndi mulingo wonyenga suli wabwino.

²⁴Yehova alongosola mayendedwe a mwamuna; Munthu tsono angazindikire bwanji njira yace?

²⁵Kunena mwansontho, ici ncopatulika, kuli msampha kwa munthu, Ndi kusinkhasinkha pambuyo pace atawinda.

²⁶Mfumu yanzeru ipeta amphulupulu, Niyendetsapo njinga ya gareta.

²⁷Mzimu wa munthu ndiwo nyali ya Yehova; Usanthula m'kati monse mwa mimba.

²⁸Cifundo ndi ntheradi zisunga mfumu; Cifundo cicirikiza mpando wace.

²⁹Ulemerero wa anyamata ndiwo mphamvu yao; Kukongola kwa nkhalamba ndi

³⁰Mikwingwirima yopweteka icotsa zoipa; Ndi mikwapulo ilowa m'kati mwa mimba.