Read Buku Lopatulik Miyambi 23 Bible Online

Miyambi 23 - Buku Lopatulik bible

Miyambi 23

¹Pamene ukhala ulinkudya ndi mkuru, Zikumbukira ameneyo ali pamaso pako;

²Nuike mpeni pakhosi pako, Ngati uli wadyera.

³Usakhumbe zolongosoka zace; Pokhala zakudya zonyenga.

⁴Usadzitopetse kuti ulemere; Leka nzeru yako yako.

⁵Kodi upenyeranji cimene kulibe? Pakuti cuma cunera mapiko, Ngati mphungu youluka mumlengalenga.

⁶Usadye zakudya zace za wa maso ankhwenzule, Ngakhale kukhumba zolongosoka zace;

⁷Pakuti monga asinkha m'kati mwace, ali wotere; Ati kwa iwe, Idya numwe; Koma mtima wace suli pa iwe.

⁸Pakuti nthongo imene unaidya udzaisanza, Ndi kutaya mau ako okondweretsa.

⁹Usalankhule m'makutu a wopusa; Pakuti adzapeputsa nzeru ya mau ako.

¹⁰Usasunthe cidziwitso cakale ca m'malire; Ngakhale kulowa m'minda ya amasiye;

¹¹Pakuti Mombolo wao walimba; Adzawanenera mlandu wao pa iwe.

¹²Lozetsa mtima wako kumwambo, Ndi makutu ako ku mau a nzeru.

¹³Usamane mwana cilango; Pakuti ukammenya ndi ntyole safa ai.

¹⁴Udzammenya ndi ntyole, Nudzapulumutsa moyo wace kunsi kwa manda.

¹⁵Mwananga, mtima wako ukakhala wanzeru, Mtima wanga wa inedi udzakondwa;

¹⁶Imso zanga zidzasangalala, Polankhula milomo yako zoongoka.

¹⁷Mtima wako usacitire nsanje akucimwawo; Koma opabe Yehova tsiku lonse;

¹⁸Pakutitu padzakhala mphotho; Ndipo ciyembekezo cako sicidzalephereka.

¹⁹Tamvera tsopano, mwananga, utenge nzeru, Ulunjikitse mtima wako m'njiramo.

²⁰Usakhale mwa akumwaimwa vinyo, Ndi ankhuli osusuka.

²¹Pakuti wakumwaimwa ndi wosusukayo adzasauka; Ndipo kusinza kudzabveka munthu nsanza.

²²Tamvera atate wako anakubala, Usapeputse amako atakalamba.

²³Gula ntheradi, osaigulitsa; Nzeru, ndi mwambo, ndi luntha.

²⁴Atate wa wolungama adzasekeradi; Wobala mwana wanzeru adzakondwera naye.

²⁵Atate wako ndi amako akondwere, Amako wakukubala asekere.

²⁶Mwananga, undipatse mtima wako, Maso ako akondwere ndi njira zanga,

²⁷Pakuti mkazi wadama ndiye dzenje lakuya; Ndipo mkazi waciwerewere ndiye mbuna yopapatiza.

²⁸Pakuti abisalira ngati wacifwamba, Nacurukitsa anthu a ciwembu.

²⁹Ndani ali ndi cisoni? ndani asauka? ndani ali ndi makangano? Ndani ang'ung'udza? ndani alasidwa cabe? ndani afiira maso?

³⁰Ngamene acedwa pali vinyo, Napita kukafunafuna vinyo wosanganizidwa.

³¹Usayang'ane pavinyo alikufiira. Alikung'azimira m'cikho. Namweka mosalala.

³²Pa citsiriziro cace aluma ngati njoka, Najompha ngati mamba.

³³Maso ako adzaona zacilendo, Mtima wako udzalankhula zokhota.

³⁴Udzafanana ndi wina wogona pakati pa nyanja, Pena wogona pa nsonga ya mlongoti wa ngalawa.

³⁵Udzati, Anandimenya, osaphwetekedwa ine; Anandikwapula, osamva ine; Ndidzauka nthawi yanji? Ndidzafuna-funanso vinyoyo.