Read Buku Lopatulik Miyambi 26 Bible Online

Miyambi 26 - Buku Lopatulik bible

Miyambi 26

¹Monga cipale cofewa m'malimwe, ndi mvula m'masika, Momwemo ulemu suyenera citsiru.

²Monga mpheta irikuzungulira, ndi namzeze alikuuluka, Momwemo temberero la pacabe silifikira.

³Cikoti ciyenera kavalo, ndi cam'kamwa ciyenera buru, Ndi ntyole iyenera pamsana pa zitsiru.

⁴Usayankhe citsiru monga mwa utsiru wace, Kuti ungafanane naco iwe wekha.

⁵Yankha citsiru monga mwa utsiru wace, Kuti asadziyese wanzeru.

⁶Wotumiza mau ndi dzanja la citsiru Adula mapazi ace, namwa zompweteka.

⁷Miyendo ya wopunduka iri yolobodoka, Momwemo mwambi m'kamwa mwa zitsiru.

⁸Monga thumba la ngale m'mulu wa miyala, Momwemo wocitira citsiru ulemu.

⁹Monga munga wolasa dzanja la woledzera, Momwemo mwambi m'kamwa mwa zitsiru.

¹⁰Monga woponya mibvi ndi kulasa onse, Momwemo wolembera citsiru, ndi wolembera omwe alikupita panjira.

¹¹Monga garu abweranso ku masanzi ace, Momwemo citsiru cicitanso zopusa zace.

¹²Kodi uona munthu wodziyesa wanzeru? Ngakhale citsiru cidzacenjera koma ameneyo ai.

¹³Wolesi ati, Mkango uli panjira, Wobangulawo uli m'makwalala.

¹⁴Monga citseko cikankhikira pa zitsulo za pamphuthu, Momwemo wolesi agubuduka pakama pace.

¹⁵Wolesi alonga dzanja lace m'mbale; Kumtopetsa kulibweza kukamwa kwace.

¹⁶Wolesi adziyesa wanzeru Koposa anthu asanu ndi awiri akuyankha mozindikira.

¹⁷Wakungopita ndi kubvutika ndi ndeu yosakhala yace Akunga wogwira makutu a garu.

¹⁸Monga woyaruka woponya nsakali, Mibvi, ndi imfa,

¹⁹Momwemo wonyenga mnzace ndi kuti, Ndi kusewera kumeneku.

²⁰Posowa nkhuni moto ungozima; Ndi popanda kazitape makangano angoleka.

²¹Monga makala ozizira pa makala akunyeka, ndi nkhuni pamoto; Momwemo munthu wamakangano autsa ndeu.

²²Mau a kazitape ndi zakudya zolongosoka Zitsikira m'kati mwa mimba.

²³Milomo yofunitsitsa ndi mtima woipa Ikunga mbale yadothi anaimata ndi mphala yasiliva.

²⁴Wakuda mnzace amanyenga ndi milomo yace; Koma akundika cinyengo m'kati mwace;

²⁵Pamene akometsa mau ace usamkhulupirire; Pakuti m'mtima mwace muli zonyansa zisanu ndi ziwiri.

²⁶Angakhale abisa udani wace pocenjera, Koma udio wace udzabvumbulutsidwa posonkhana anthu.

²⁷Wokumba dzenje adzagwamo, Wogubuduza mwala, udzabweranso pa iye mwini.

²⁸Lilime lonama lida omwewo linawasautsa; Ndipo m'kamwa mosyasyalika mungoononga.