Read Buku Lopatulik Miyambi 27 Bible Online

Miyambi 27 - Buku Lopatulik bible

Miyambi 27

¹Usanyadire zamawa, Popeza sudziwa tsiku lina lidzabala ciani?

²Wina akutame, si m'kamwamwako ai; Mlendo, si milomo ya iwe wekha.

³Mwala ulemera, mcenga ndiwo katundu; Koma mkwiyo wa citsiru upambana kulemera kwace.

⁴Kupweteka mtima nkwa nkhanza, mkwiyo usefuka; Koma ndani angalakike ndi nsanje?

⁵Cidzudzulo comveka ciposa cikondi cobisika.

⁶Kulasa kwa bwenzi kulikokhulupirika; Koma mdani apsompsona kawiri kawiri.

⁷Mtima wokhuta upondereza cisa ca uci; Koma wakumva njala ayesa zowawa zonse zotsekemera.

⁸Monga mbalame yosocera ku cisa cace, Momwemo munthu wosocera ku malo ace.

⁹Mafuta ndi zonunkhira zikondweretsa mtima, Ndi ubwino wa bwenzi uteronso pakupangira uphungu,

¹⁰Mnzako, ndi mnzace wa atate wako, usawasiye; Usanke ku nyumba ya mbale wako tsiku la tsoka lako; Mnansi wapafupi aposa mbale wakutari.

¹¹Mwananga, khala wanzeru, nukondweretse mtima wanga; Kuti ndimuyankhe yemwe anditonza.

¹²Wocenjera aona zoipa, nabisala; Koma acibwana angopitirira, nalipitsidwa.

¹³Tenga maraya a woperekera mlendo cikole; Woperekera mkazi waciwerewere cikole umgwire mwini.

¹⁴Yemwe adalitsa mnzace ndi mau akuru pouka mamawa, Anthu adzaciyesa cimeneco temberero.

¹⁵Kudonthadontha tsiku lamvula, Ndi mkazi wolongolola ali amodzimodzi.

¹⁶Wofuna kumletsayo afuna kuletsa mphepo; Dzanja lace lamanja lingogwira mafuta.

¹⁷Citsulo cinola citsulo; Comweco munthu anola nkhope ya mnzace.

¹⁸Wosunga mkuyu adzadya zipatso zace; Wosamalira ambuyace adzalemekezedwa.

¹⁹Monga m'madzi nkhope zionana, Momwemo mitima ya anthu idziwana.

²⁰Kunsi kwa manda ndi kucionongeko sikukhuta; Ngakhale maso a munthu sakhutai.

²¹Siliva asungunuka m'mbiya, Ndi golidi m'ng'anjo, Motero comwe munthu acitama adziwika naco.

²²Ungakhaleukonolacitsirum'mtondo ndi munsi, pamodzi ndi mphale, Koma utsiru wace sudzamcoka.

²³Udziwitsitse zoweta zako ziri bwanji, Samalira magulu ako;

²⁴Pakuti cuma siciri cosatha; Kodi korona alipobe mpaka mibadwo mibadwo?

²⁵Amatuta maudzu, msipu uoneka, Achera masamba a kumapiri,

²⁶Ana a nkhosa akubveka, Atonde aombolera munda;

²⁷Mkaka wa mbuzi udzakukwanira kudya; Ndi a pa banja lako ndi adzakazi ako.